الحياة المدرسة

حاجات هتخليك تعلم ابنك أحسن من المدارس الانترناشونال

إسراء الطيب 

أغلب الأهالي دلوقت شايفين إن التربية الصح لعيالهم إنهم يتسحلوا في الشغل والسفر بره مصر عشان يقدروا يوفروا لعيالهم أكل وشرب ومدارس إنترناشونال تعدي ال100  ألف في السنة ولا بالميت 50.

لكن الصح فعلا بيجي من ورا التربية الصح ومدارس يكون فيها مدرسين عندهم ضمير، مش شرط انترناشونال ممكن تجريبي ممكن حكومي في مكان كويس، المهم إنك تربية صح، لآن الاساس البيت قبل كل حاجة، وخد بالك وأنت بتربيه من الكام معلومة دول

بلاش كلام محبط 

اوعي تقول لابنك انت فاشل  حتي لو هو فاشل، الكلام المحبط في العموم بيأثر على نفسية الكبير قبل الصغير، وبيخلي الشخص يفقد ثقته في نفسه وبتلاقيه بيتحول تلقائي لحد تاني بيتردد وشاكك في أي حاجة بيعرف يعملها حتى لو كان بيطلع الأول فيها، وكل ما تدعمي ثقة ابنك في طاقتك وتفكيره كل ما يقدر يدي أكتر ويطلع أحسن ما فيه سواء كان في مدرسة حكومة او انترناشونال.

الكورسات 

وديه لأماكن عندها نطق لغة كويس زي الجمعة الأمريكية أو  المركز البريطاني، من مرة لـ ٣ مرات في الاسبوع أو عند أي مدرس بيفهم أهم حاجة، مش مدرس مبيفهمش غير في الأكل وبس والدروس الخصوصية. 

تفريغ الطاقة بشكل سليم

يتعلم رياضة أو  هواية ، بيانو ، جيتار ، رسم ، نحت  أي هواية يفرغ فيها طاقته، الطفل لما يعرف يستغل وقته صح من وهو صغير بيكبر وهو عارف قيمة الوقت، لكن ده مش معناه إنك تزحمي يومه وتخليه مضغوط نفسيا، خير الأمور الوسط.

السلوك

علمه انه ميعليش صوته  وقوم سلوكه صح، لو عرفت تكسبه في صفك وتفهمه كل حاجة بهدوء هيكون في مصلحتك قبل مصلحته، هيكون سهل التعامل، ومش بيعاند معاك، ولما تشرحله حاجة مش هيخاف يقولك وضحهالك أكتر أو مش فاهمها، مش هيكون خايف إنك ماسكله العصاية وتخليه مبيعرفش يتكلم معاك كلمتين على بعض.

القدوة الصح

، الطفل عادة بيقلد كل اللي حواليه بداية من والدته ووالده لحد باقي البيت والمدرسة، عليك أنت بقى تكون القدوة الصح اللي تفهمه كل حاجة بشكل غير مباشر لما يشوفك بتتصرف فيها ازاي، ويقلد دايما منك الصح ويبعد عن أي حاجة غلط تلقائي.

شير