Advertisement
Advertisement
الجامعة الحياة

حاجات هتخليك تلعب طول السنة وتلم المنهج في شهر

إسراء الطيب

كل واحد مجرد ما بتبدأ الدراسة بيكون كل اللي في دماغه إنه مش عايز يحضر كل المحاضرات وعايز يقضي جامعته بالطول والعرض يتفسح ويشارك في كل الأنشطة وفي نفس الوقت عايز اخر السنة يعرف يلم المنهج وميلبش في الحيط لكن عشان يعرف ده كله لازم كام حاجة كده متقعش منه.

 خلينا متفقين  حضور كل المحاضرات بيخليك تلم كل حاجة وتكون فاهم الدنيا كلها وتجيب تقدير محترم لكن عايز تقضيها وتتفسح وتلعب هنقولك ازاي تنجح أخر السنة بس منوعدكش بالتقدير بس نضمنلك النجاح والجيد لو ألتزمت بالملي..

نوع بين صحابك

خلي عندك الصحاب اللي تشهيص معاهم وتخروجوا وتسافروا وصحاب اللي تقدر تعتمد عليهم لو حصل امتحان مفاجئ مثلا أو تعرف تجيب منهم المحاضرات أخر كل ترم. 

محاضرة  في الاسبوع متضرش

بلاش تنفض للكلية خالص خلي كل أسبوع محاضرة ولا محاضرتين تكون فاهم المادة بتتكلم عن أي وتعرف شكل الدكتور.

احضر العملي

مهما حصل متفوتش محاضرات العملي عشان دي عليها درجات منفضلة وامتحانات مينفعش تفوتك

 

فضي نفسك في أخر شهر قبل الامتحانات

قبل الامتحانات كده بشهر فضي نفسك بقى كفاية لعب لحد كده وصحصح كده وشوفي امتحانات جدولها نظامه اي هتمتحن الصبح ولا بعد الضهر ولو طلع بعد الضهر مصلحة لانك هتلحق تلم جزء كبير الصبح، وشوف مين بقى من صحابك كده فاهم الزتونة وخليك مقيم عنده يفهمك.

لم المحاضرات والمراجعات

جمع كل المحاضرات بتاعتك بقى وشوف اكتر من حد عشان اللي ملحقش يكتب حاجة تضمن أن التاني كتبها، ويكون عندك المنهج كله، وبعدين روح على السنتر للي بينزل الملخص وتابعه لو ذاكرتهم كويس اوي ممكن كمان تعدي الجيد وتوصل للجيد جدًا وده كل بينطبق بنسبة 90% على الكليات النظرية العملي بقى يا معلم انت اللي اختارت لازم تحضر مش اققل من 99% من المحاضرات واعانك الله عشان المحاضرة اللي هتفوتك هتلوس بعدها.

Advertisement
شير