الجامعة الحياة

حاجات هتخليك تلم المنهج في أسبوع

إسراء الطيب

المدرسة والجامعة مش ماشيين دلوقت بنظام المحاضرات وشكرا زي زمان دلوقت بقى في حاجات تانية كتير، في منها شيتات ومنها عملي، وامتحانات كل شهر، لكن عشان تعرف تلم كل ده في أسبوع واحد قبل كل امتحان في كام حاجة كده ممكن تساعدك من الخبرات السابقة.

صاحبك البروفيسور بتاع الدفعة

في كل دفعة هتلاقي واحد كده معيد في نفسه شاطر ومتعاون ومش عنده مشكلة يشرح لحد، استفيد منه على قد ما تقدر بس متخنقوش، لانه مش مجبر أنه يشرحلك حاجة

انتيم المحاضرات

لازم يكون عندك صاحب أو زميلة يكونوا بيحضروا كل المحاضرات ويفضل يكونوا اتنين عشان لو حد غاب تلاقي المحاضرة مع التاني.

سنتر الملازم

كل كلية في ليها مكتبة بره الجامعة بتطبع محاضرات وتعليمات الدكتور المهمة، وكل التفاصيل اللي ممكن تحتاجها عن المواد ولو حاجة صعبة هتلاقيهم عاملين درس خارجي فيها

صديق المذاكرة

بعد كل دول بقى في الصديق اللي تعتمد عليه وأنت بتذاكر وده لازم يكون انتيم ليك عشان أي حاجة مش تفهمها تكلمه ليلة الامتحان يشرحهالك أو يسأل حد تالت فاهم وتعرفوها انتو الاتنين.

 

لخص بعناوين رئيسية

حاول متركزش كتير مع جروب الدفعة وأنت لسه بادئ مذاكرة عشان مش يجيلك إحباط لآن في حبه كده هتلاقيهم خلصوا وبيسألوا على خزعبلات مش مفهوم.

شير