Studio

حاجات هتخليك تنجح في أي إنترفيو

إسراء الطيب

بتسمع محاضرات كتير عن الأنترفيو الناجح، وأنواع الناس اللي بتعملك انترفيو، روحت 100 انترفيو واترفضت، طب تفتكر أي السبب؟ طب هو اللي بيعمل انترفيو بيكون عايز يعرف أي؟، طب أنت ناقصك أي؟ خلينا نحاول نشوف ازاي ممكن تعدي من الانترفيو بسلام ويقولك مبروك أنت معانا.

حضر كويس

قبل ما تروح اي إنترفيو أول حاجة لازم تركز فيها، أي قدراتك وأي البنود اللي طالبها المكان اللي أعلن عن الوظيفة، متحاولش تروح تحرج نفسك، وأبدأ حضر نفسك بقى شوف الشركة دي اتعملت امتى وأي الحاجات اللي ممكن يسألوك عليها، وأي أهم التفاصيل اللي ممكن تقف فيها ومين هيعمل معاك انترفيو واعرف دماغه أي، وحاجة كمان حاول تشوف أي حد تعرفه كان اشتغل في المكان فيعرف أي نظامه وكويس ولا لا وتطمن قبل ما تروح وكمان تعرف منه اكتر دماغ اللي هيعملك انترفيو.

ركز على إيجابياتك

حط في اعتبارك رقم واحد شوفي أي ايجابياتك وأي الحاجات اللي أنت شاطر فيها، وقدم في وظيفة فيها، ووأنت في الأنترفيو ركز على الحجات اللي بتعرف تعملها متفتيش عشان مش تلبس بعد كده خليك في اللي أنت ليك فيه وبروزه من غير أفورة عشان محدش بيطيق أي حد واخد ألم في نفسه.

خليك صريح بس مش غبي

الصراحة مهمة وبتريح بس في نفس الوقت حاول على قد ما تقدر متكونش غبي وأنت صريح يعني متجيش عند حجات أنت عارف إنك ملكش فيها وتقوله من غير حتى ما يسألك أنا مليش في ده وده وده وتحسسه إنك فاشل.

 

اسمع أكتر ما تتكلم

حاول تفهم دماغ اللي بيعملك الأنترفيو وبالتالي تفهم دماغ المؤسسة نفسها وتشوف ده اللي أنت عايزة و لالا واللي محتاجينه أنت تقدر عليه ولا لا، ركز وخلي كلامك ما قل ودل متبقاش رغاي  على قد ما تقدر.

ظبط سي في صح

أهم خطوة بقى أخر خطوة ظبط سي فيهك زي ما بتظبط نفسك ومظهرك لو مش رايح بيه مطبوع خليه مترتب في دماغك أعرف أنت إمكانياتك أي كويس ونضافة الشخصية مهمة جدًا لأن محدش هيوظف حد معفن أكيد، خليك أنيق في فكرك ولبسك متخليش  حد يمسك عليك حاجة تترفض بيها.

شير