Studio

حاجات هتخلي جارك ميبقاش متطفل على بيتك !

إسراء الطيب 

قالوا في الأمثال زمان كتير الجار قبل الدار، لأنك لو كنت عايش في شقة 200 متر ولا بيت طول بعرض وجارك جار سو و لامتطفل يبقى أنت دخلت في الجحيم مباشرة،  وهتفضل تعاني طول حياتك من تقل دمه وتدخله في كل تفاصيل حياتك، وقلة ذوقه، أو بمعنى تاني الدم اللي انعدم عنده والأحساس صفر.

 

لكن كل حاجة ليها حل لو عرفت تلحقها من الأول كده على نضافة إزاي بقى، نفكر مع بعض كده شوية إزاي أول ما تنقل في بيت جديد تتعامل ازاي مع الجيران وازاي تحط حدود بينهم.

قبل ما تسكن

قبل ما تختار أي منطقة سكنية تعيش فيها بالذات لو رايح تشتري لأن دي هتكون شقتك على طول، على عكس الإيجار بيكون أهون شوية أنك عارف إنك هتعزل كمان سنة ولا تلاتة، المهم قبل ما تروح تكتب عقد خد دولة في المكان كلم الناس، شوف مين سكان العمارة مؤهلاتهم ومستوياتهم، وثقافتهم ودي أهم من التعليم كمان، ممكن حد مش متعلم بس مثقف وراقي في أخلاقه.

 

بعد ما سكنت

خلاص وديت حجتك ونقلتوا بألف سلامة متفكرش تخبط على حد في أول يوم خلي تعاملك مع البواب يجبلك اللي محتاجة مفيش بواب شوف السمسار اللي جابلك الشقة نفسها مش تبدأ أنت بالتطفل عليهم عشان مش يعاملوك بالمثل.

أول يوم تعامل

عدى أسبوع وبدأت تختلط بالجيران خليك أنت ومراتك متفقين تحطوا حدود في التعامل مع كل الجيران وبالذات الجار اللي قدامك،  مفيش دخول للبيت في أي وقت، متعملش حاجة كده من نفسها عشان اللي هتعمله دلوقت جميلة هتلاقي نفسها مطلوب منها بعد كده تنفذه كأنه أمر، خليها عزيزة وحضورها خفيف، يعني تعزمها تقولها مش دلوقت، ممكن وقت تاني بخلص حجات،  العزيز بيفضل طول عمره فوق الرأس.

مياخدكش العشم

مياخدكش العشم في التعامل مع أي حد من الجيران أنت لسه متعرفهمش وهما نفسهم لسه مش يعرفوك فمتروحش تطلب حاجة بكل عشم منهم لأن منهم اللي هيعمل اللي انت عايزة ومنهم اللي شخصيته حادة وتلاقي رد فعل يقل منك، ومتمسحش لحد مهما كان يبدأ يسأل أسئلة شخصية في بيتك أو حياتك صده بالذوق مرة على التانية هيحس على دمه أو هيخاف يتحرج.

أوعى تعتمد على جارك

لو عايز بيتك يفضل مقفول عليك متحاولش أنت أو مراتك تفتحه من الأساس، يعني متسمحش أنت للجيران أنها تعتبر بيتك مشاع، أي حد يدخل لا يعرف إن في مواعيد تناسبك وفي مواعيد أسف من هينفع، وأهم حاجة إنك تعمل كل ده بقمة الذوق والأخلاق، عشان ميتمسكش عليك إنك متكبر وهنا هيتحول الموضوع لعداوة مع الجيران خلي في كل تعاملك الذوق أولا.

شير