الحياة الشغل

حيل عملية تقولك ازاي تتعامل مع مديرك العصبي

إسراء الطيب

الشغل نصيب، زي ما حياتك كلها نصيب، لكن لو ربنا رزقك بمدير عصبي هنا بقى مش نصيب وبس بقى اختبار ليك كمان من ربنا وتشوف نفسك وقدرة تحملك بتوصل لآي؟

قدامك حاجة من اتنين لو لبست في مدير عصبي، إما تسيب الشغل وتريح دماغك وأعصابك وصحتك بالدنيا، أو لو الشغل عجبك والمرتب حلو فأنت في الحالة دي لازم تشوف الحل التاني وإنك تفصل نفسك عن كل المحبطين وتطلع الصبور البارد اللي جواك، وتتبع التعليمات دي في التعامل معاه.

 

الهداوة

تعملك كله معاه يكون بالعقل وبهدوء وأعرف أكتر الحاجات اللي بتعصبه وابعد عنها، ده لمصلحتك قبل أي حد، من الآخر شوف بيتعصب على زمايلك لي، حته تحت المراقبة يوميًا وأعرف دماغه ماشيه ازاي مجرد ما هتفهم دماغه هتعرف تتعامل معاه ازاي وتعرف أمتى الوقت المناسب تكلمه وامتى تختفي من وشه.

بلاش تجادل

لو لقيته منفعل وبيطلب منك شغل معين، بلاش تناقش ولا تجادل، خد المعلومة وحاول تخلصه لوحدك، عندك زمايلك الاقدم منك أفهم منهم، ولو مطلعوا اندال وأنت معرفتش تعمله لوحدك، يبقى نلجئ للحل الأخير إنك تخلص اللي تقدر عليه وتروح تسأؤله وهو رايق أي التعديل الأنسب يا فندم أو هل ده مناسب للي حضرتك عايزة يا فندم وهكذا بقى..

اعمل شغلك بحذافيره 

اعمل شغلك زي الكتاب ما قال، طول ما أنت عامل اللي عليك كامل ومفيش حد ماسك عليك غلطة، وماشي في السليم محدش هيقدر يقولك بم أو يقولك تلت التلاتة كام، وهتثبت قدامه إنك شخص يعتمد عليه وموظف مثالي ناجح، يخليه يعامل معاملة أحسن عشان ميخسرش حد كفاءة زيك وتروح من تحت إيده، وهو فاهم كويس إن العينة دي مش سهل يلاقيها.

متخليش حد يمسك عليك غلطة

زي ما عملت شغلك بحذافيره، خليك بقى على المستوى الإنساني، نعم الزميل والصاحب، مهما اتحكالك متفضحش سر حد، وتكون مصاحب الكل من غير ما تزم في حد أو تعمل مصلحة ليك على حساب غيرك، طول ما أنت معرف الكل حدودهم معاك أي وأنت حدودك معاهم أي الكل هيحترمك ويقدرك ويعرفوا إنك بتاع شغل كويس واجتماعي لكن بحدود.

شير