الجواز

خدع بسيطة تكسر الملل مع مراتك

إسراء الطيب 

الحياة اليومية قادرة تولدلك طاقة ملل تهد جبال مش تهد بيتك بس، لكن الراجل الناصح بيعرف يخلي مراته حتى لو نكدية تكون ست فرفوشة ومزقططة معاه ويسلام بقى لما تكون الزوجة مبسوطة هتلاقي بيتك ده بقى جنة عايز تروح لها كل يوم وتقعد معاها وتتبسط بالقعدة معاها ومتكونش عايز تنزل وتسيبها.

مننكرش إن برضو البيت عشان يكون حلو مطلوب من الست إنها متبقاش نكدية على طول الطريق ونفك شوية ولما نلاقي الراجل بيفك الملل وبيحاول يفرفشك ويغير مود البيت تستجيبي معاه والأولاد برضو، لكن ازاي بقى ممكن الراجل يكسر الملل في بيته ومع مراته تعالوا نفكر سوا.

 المفاجأت مفتاح سحري 

من أكتر الحاجات اللي تخلي الست تنسى أصلا أنت كنت مزعلها في أي ولا أي سبب المشكلة والخناق، إنك تفاجئها حتى لو بحاجة بسيطة جدًا وأنت جي من الشغل، لو وردة بخمسة جنيه حتى.

خروجة حلوة كل أسبوع أو كل شهر 

الخروجات اه متتصدمش على قد ما بتلبس في فلوس وعزومة على قد ما بتجدد الدم ما بينكم وتفصلوا من زحمة الشغل والعيال والنكد اللي بتعيشوا فيه، ومش لازم ياعمنا كل الخروجات في مطاعم غالية حتى لو كشري بره هيفرق معاها برضو، بس ميكونش كل مرة كشري.

ارمي كل هموم الشغل وارفه اول ما تدخل

اتعلم تفصل ما بين الشغل والبيت، ما وتدخلش الاتنين، لآن لو حصل هتلاقي نفسك كل شوية بتنفجر في مراتك وهي مش هتقدر تستحملك للأبد هيجلها وقت تفصل وتطلب الطلاق. 

هدايا وزقططة

يسلام بقى لو لقتها كان نفسها في حاجة من على النت ولا كلمتك إنها عايزة حاجة وانت معملتش عبيط ومن بنها ودورت علهيا لحد ما جبتهالها دي تقريبا هتبقى أحلى هدية ممكن تجبهالها. 

وأهم من كل ده الكلمة الحلوة

الكلمة الحلوة بتخلي الست ترجع أنثى من جديد وتهتم بنفسها وتفرح وتتبسط وتحاول تكون أجمل واحلى كل يوم عشان تسمع كلام حلو أكتر يخليها تحس إنها فوق السما من الانبساط والسعادة.

شير