الجواز الحياة

داخلة على جوازة اتنوري بدل ما تتفاجئي

إسراء الطيب

بنات كتير بتبقى مستعجلة على الجواز وتطل بالأبيض ومبتسمعش لنصايح السابقين والجمل اللي بتتقال بهزار أول ما بيجي موضوع الجواز، وإن تطلي بالأبيض دلوقت وهتطلي بمريلة المطبخ بعد كده وإنتي في وسط المواعين اللي لايسه فيها لوحدك.

قبل كده كان عادي لو كسلتي هتلاقي غيرك يعمل، ولا تلاقي مامتك بتجهزلك الأكل وتجبهولك لحد عندك أول ما بتوصلي من شغلك، وتريح أخر حاجة ومش مطلوب منك تعملي أي حاجة في البيت، كل ده بقى بيتقلب لما بتجوزي وفوق كل ده التأقلم في البداية مش بيكون سهل خالص إن فردين بطباع مختلفة مش اتربوا مع بعض، فجاءة بقى مطلوب يعيشوا مع بعض ويأسسوا حياتهم وعشان تقدري تعدي الفترة دي من غير صدمات لازم تكوني مفتحه عينك على كام نقطة عشان مش تتفاجئ. 

انتهى وقت الدلع

نوم وصحيان بمواعيد وأكل لازم يكون جاهز وتنفيض وترويق كل دقيقة، لو مش إنجزتي اللي وراكي هيبقى تل في ظرف ساعتين.

إنسي النوم بمزاج لفترات طويلة

زمان كان ممكن تنامي تلت أيام من غير ما حد يقولك إنتي رايحة فين ولا بتعملي أي دلوقت بخ خلاص في وراكي بيت مستنيكي وأكل بيدور عليكي عشان تبدعي فيه وتخترعي اللي مخترعوش في العالم ويترمي وتجيبي غيره.

 

المسؤؤلية ثم المسؤولية.. جدول وتنظيم

كبرنا وخلص زمن كل حاجة بنسأل ماما عليها وبابا يقول لماما فين الشراب والقميص، مبروك إنتي استلمتي مهمة ماما بقى مطلوب منك تدوري على حاجتك اللي مش بتلاقيها ومعاه حاجة جوزك.

محدش هيجبلك الأكل في صنية لحد السرير ده في الأفلام بس

الميزانية ثم الميزانية

دلوقت مطلوب منك بعد ما كان مرتبك بيخلص أول اسبوع إنك تظبطي ميزانيتك وميزانية البيت وتكوني ست كوفرة وكُمل توفر لجوزها عشان يجيب عربية حلوة.

وده كله مميمنعش إن في أوقات بتكون حلوة، ومختلفة عن القعدة في بيت بابا، أكيد لما بنكبر مسؤليتنا بتزيد المهم إننا نكون قدها.

شير