Studio مصري

رمضان صبحي ضمن أبرز من جابوا أخرهم في الوسط الرياضي

 !جاب أخره” من أكتر المصطلحات اللي بنسمعها في الحياة وفي الكورة كمان.. لاعيب جاب أخره، مدرب جاب أخره، أو جمهور جاب أخره! تعالوا نشوف مين جايب أخره في الوسط الرياضي اليومين دول

 عماد متعب

قناص النادي الأهلي ومنتخب مصر اللي مفيش إتنين يختلفوا على موهبته وإنجازاته، بقى حبيس الدكة في النادي الأهلي ومش بيشارك إلا نادرا وده اللي خلى ناس كتير تقول إن متعب حيخرج عن صمته ويعبر عن ضيقه ويجيب أخره ويرحل عن الأهلي!

 

 جمهور الزمالك  

جاب أخره من تدخلات رئيس ناديه المستمرة في كل شئون الكرة سواء لاعيبة جديدة حتنضم للنادي ولا تشكيل الفريق في الماتشات المهمة، وده بسبب قناعة الجمهور إن التدخلات دي بتأثر بالسلب على مصلحة الفريق ونتائجه

 

– لا جديد عند حسام وإبراهيم حسن

على طول جايبين أخرهم من الحكام وشايفين إنهم السبب ورا كتير من إخفاقات فريقهم

 

 جمهور أرسنال

هو كمان جاب أخره بسبب فشل أرسين فنجر من وجهة نظرهم في قيادة الفريق لإنجازات تليق بتاريخ النادي العريق وبقينا بنشوف لافتات كتيرة تطالب برحيل فينجر عن الفريق ولكن من الواضح إن فينجر مكمل مع أرسنال ولن تلتفت إدارة النادي لطلب الجمهور

 

– اللي إحنا عرفناه بقى وناس كتير اوي لِسَّه متعرفوش، هو ان رمضان صبحي، لاعب نادي ستوك سيتي اللي حقق خطوة أولى مهمة في مشواره الاحترافي باللعب في الدوري الاقوي على مستوى العالم، جاب أخره هو كمان ادام منافس قوي وعنيد، والسبب حتعرفوه قريب جدا!

 

 

شير