الفورمة

سموكي بلو والميتلك أخر افتكاسات ألوان موضة الشتا

إسراء الطيب 

احساس المعادن مسيطر بشكل واضح مع موضة الشتا السنة دي فهنلاقي فيه ألوان كتير جديدة أغلبها مسيطر عليها إحساس المعادن سواء حديد، نحاس، دهب، وفضة كمان، الميزة فيهم نقلهم للبس والشعر والشنط بشكل مختلف مع لامعة بضيف ليها جمال مختلف.

وألوان كتير اتعاد اكتشافها السنة دي بالذات مع الجواكت بالذات عشان ظهرت بروح جديدة لما اختلط لمسة الجلد مع احساس الحديد الاتنين مخلطين ببعض عمل مزيج ملفت للانتباه بالذات في اكسسوارت وهدوم البنات.

الأزرق السموكي  smoky blue

ميكس ما بين درجات الأزرق واللبني مع الأسود خرجت باكتشاف جديد للبني، بدأ ينتشر بره مصر في لون الشعر والهدوم، وسيطر على اطلالات نجوم الموضة.

الألوان المعدنية 

الحديد مش هتشوفه تاني بس في المعادن والاحساس الصلب، بعد ما مصممي الموضة استوحوا منه اخر مجموعات الشتا، في ألوان الجواكت وخطوط المودة، فاتحول الحديد لجاكت وبنطلون واكسسورات.

السيموني اللي بيلمع 

وبعد ما طلع الألوان المعدنية بدأت تتطبق لمعتها في الجواكت الجلد على ألوان تانية كتير من ضمنها اللون الأكثر مبيعًا في كل الحاجات اللي بنات بتشتريها اللون السيموني اللي نقدر نقول عليه لون 2017 من كتر ما بيبع.

الدهبي الدافئ

الشتا معروف باحساس البرودة والتلج اللي بيخلي الناس تدور على كل اللي يدفيها، ومن الحاجات المهمة اللي توصل ليها علماء النفس إن العامل النفسي بيأثر على احساس التدفئة، يعني أي، يعني ممكن تدفى بالاحساس، أو الايحاء، فاللون الدهبي من الألوان النارية اللي تدفيك مجرد ما تشوفها.

الفيروزي في روز

من الالوان اللي البنات بتميل ليها بوجه عامل درجات الروز والبينك وكذلك اللبني والسماوي، واتجهت شركات مختلفة إنها تمزج الاتنين مع موضة الألوان المعدنية فطلع نموذج منفرد.

شير