Studio

سيبك من الغردقة وشرم … اتفرج على شواطئ المالديف في مصر

إسراء الطيب

من نعم ربنا على مصر إن خلالها بتطل على البحر الأحمر والبحر المتوسط، وفيها عجايب البحرين، لكن الناس في مصر بدأوا يركزوا على شواطئ معينة وهي اللي يروحوها كل سنة ولما حبوا يغيروا  من شرم الشيخ والغردقة واسكندرية بدأوا يفكروا في الساحل وبقى في فورمة الساحل والجونة ودماغ تانية.

وفي ناس تانية شافت إن شواطئ مصر مش قد المقام وقررت إنها تسافر بره مصر المالديف وجزر الباهاما وغيرها من الشوطئ العالمية، مننكرش أن دول شواطئ زي الفل لكن جمالهم في زيه في مصر في مكان جميل اسمه مرسى مطروح.

مرسى مطروح مفيهاش عجيبة واحدة لا عجايب أولهم شط عجيبة اللي بتجمع فيه ألوان السما والأرض والأزرق الصريح للماية جنب ألوان السما والأخضر الصريح برضو وكلهم من نفس الشط.

وغير عجيبة في شط الغرام وكليوباترا الشط الأبيض،  وشط روميل كمان، خلينا نتكلم عن واحد واحد فيهم كده واللي بالمناسبة أغلبهم الدخول مجاني أصلا أهم حاجة لما تروح خلي المكان وراك نضيف وحلو زي ما روحته ولا تكتب على صخور ولا ترمي زبالة في الماية وتحولها من عجيبة لمقلب زبالة، عشان يفضل حلو لغيرك..

عجيبة

زي اسمع تمام، عجيبة على أرض مطروح، هو مش في وسط البلد لكنه يبعد حوالي 28 كيلو ناحية الغرب يعني مش هتاخد نصاية وتكون وصلت عنده، وغير مايته اللي متتوصفش من جمال ألوانها،  فيه كهوف ومناظر متلاقهاش في مكان تاني غيره. 

حمام كليوباترا

اشتهر بالاسم ده بعد قصص الملكة كليوباترا وحبيبها اللي كانوا دايما بيتقابلوا في نفس المكان، ويعتبر على أطراف مطروح حوالي 5 كيلو غرب.

شط الأبيض

معجزته الفعلية في رمتله البيضا تماما اللي بتسحرك مع كل موجه، وهتلاقيه في طريقك وأنت رايح عجيبة ومكانه عند الكيلو 20 غرب

 شط الغرام 

وغيرهم كتير شواطئ كلها جمال وسلطنة متقلش مايتها وجمالها عن جمال المالديف

شير