خروجات

سينمات مالهاش حل .. رقم واحد في أي خروجة

السينما هتفضل دايمًا هي الاختيار الأول لكل الشباب والبنات، في  أي خروجة بتبقى دايمًا نمرة واحد، هتفضل أحلى وأمتع الخروجات، وده لأنها بتنفع في الصيف والشتاء وفي أي وقت وأي مكان، مش محددة بعدد معين من الناس، علشان كدا هنحاول نتكلم شوية عن أجمد السينمات اللي في مصر.

أمريكانا بلازا سينما

وده مجمع سينمات بيعتبر من أهم وأكبر مجمعات السينمات في القاهرة،  على بعد دقايق من هايبر وان في اكتوبر،  بيتميز بعدد القاعات الكبيرة وقاعة الـ«IMAX» ودي قاعة السينما الوحيدة الموجودة في مصر، وده بيخليها واحدة من أهم السينمات .

سينما سيتي ستارز

مجمع سينمات، بيعتبر من أحسن مجمعات السينما وده لأنها مليانة قاعات ضخمة، مقسمة لقاعات عادية، وقاعات الـ«VIP» في الدور الأول من المول، ودي قاعات تعتبر من أفخم قاعات السينما الموجودة في القاهرة، هتحس فيها براحة غير طبيعية.

فوكس سينما بمول مصر

ودي مجموعة سينمات عبارة عن 21 قاعة شاشات متنوعة مابين شاشات ثنائية وثلاثية الأبعاد، ده غير الشاشات العملاقة الموجودة هناك، يعني حاجة فوق الخيال.

سينما كايرو فاستيفال

ودي مجموعة سينمات في كايرو فاستيفال سيتي مول، بتضم قاعات عادية وقاعات للـ«VIP» وهي تعتبر من أحسن السينمات الموجودة في القاهرة .

سينما مول العرب

لو أنت من سكان مربع 6 أكتوبر والشيخ زايد ومش لاقي مكان جامد تقضي فيه يومك، هيبقى عندك اختيار واحد بس وهي سينما مول العرب وده لأنها من أجمد دور العرض الموجودة حاليًا .

شير