الترفيه

شات زمان .. 5 حاجات كنا بنعملها قبل فيس بوك

شات زمان .. دي حاجات مش هيعرفها غير جيل التمانينات، قبل الانترنت وفيس بوك وتويتر، ممكن تبقى غريبة لجيل الألفينات بس بالنسبة للجيل التاني كانت هي الترفيه الوحيد المتاح ليهم  علشان يتواصلوا أو يضيعوا بيه الوقت، بعد مجهود المذاكرة وغيره .

مراسلات البريد

 ودي كانت منتشرة أوي بين الشباب والبنات في نهاية التمانينات والتسعينات وهي المراسلات مع الاصدقاء بالذات الأجانب، كنت هتلاقي في كل مجلة أسماء وعناوين شباب وبنات عايزين حد يراسلهم وكانوا بيحاولوا يكونوا صداقات عن طريق البريد.

 ألعاب البلاي ستيشن

بالرغم من أنها لسه موجودة لغاية دلوقت بس هي قديمة أوي، مش كدا وبس دي كانت الترفيه الوحيد لجيل التمانينات بعد اختفاء ألعاب الاتاري وغيرها من الألعاب، اللي كانت منتشرة، البلاي سستيشن مش مجرد لعبة وبس دي وسيلة اتصال كمان، فكنت تقدر تتواصل مع اصدقاء في محلات البلاي ستيشن.

كابينة  الاتصالات مينا تيل ورينجو

ودي كانت وسيلة التواصل الوحيدة بين الاصدقاء، بكارت صغير بخمسة لرينجو وعشرة لمينا تيل تقدر تكلم اي صاحب ليك في اي محافظة قبل ظهور الموبايل والشات.

التليفون الأرضي

ده الشات بتاع الحبيبة ، في نص الليل، لازم تلاقي في كل بيت واحد حبيب بيحب بهمس في التليفون الأرضي، ده غير المعاكسات اللي كانت بتحصل عليه.

شير