الجيران الصحاب شارعنا

شخصيات هتقابلهم في أي خناقة

في أي خناقة لازم تقابل شخصيات كتير، كل شخصية منهم بيبقى ليها تعامل خاص حسب طبعها ومزاجها، يعني لو انت داخل خناقة علشان تهدي النفوس، لازم تعرف هتتعامل ازاي مع كل واحد فيهم، وده مهم جدًا بالنسبة ليك علشان تطلع من الخناقة على خير .

الغشيم

وده الشخص اللي بضرب في أي حد وفي كل حتة، ابعد عنه لغاية ما يهدي خالص .

 المتهور

ود الشخص اللي هتلاقيه في نص الخناقة عمل حركة مش محسوبة بغشومية وتهور بطريقة غريبة فده لازم تاخد بالك منه .

الخواف

وده الشخص اللي لا ليه في الطور ولا في الطحين زي مابيقولوا حظه الوحش هو اللي دخله الخناقة، ده لازم تقف في صفه وتحميه .

الشتام

وده دايمًا هتلاقي الشتيمة لزقة في لسانه، مابيعملش حاجة غير شتيمة وخلاص، وده اللي بيبقى عامل صداع في كل خناقة .

الجعجاع

وده الشخص بياع الكلام اللي كل شوية، تلاقيه بيقول انا هعمل وهعمل وفي الأخر مابيعملش أي حاجة حاجة .

شير