تكنولوجيا

عربيات البلاي ستيشن تتحول إلى حقيقة تعرف على أسعارها!

إسراء الطيب

الأحلام بقت حقيقة والعربيات اللي كنا بنلعب بيها في البلاي ستيشن وكنا بنشوفها في أفلام الخيال العلمي والأكشن اتحولت لواقع وبقت من أغلى العربيات في العالم، وبإمكانيات بقى مقولكش كفاية تتصدم بسعرها.

ولو فكرت فيوم إنك تجيب حتى منها موعدكش تلاقي منها لأن العربيات دي بتكون متصنعة لناس معينة مخصوص من أغنى أغنياء العالم، يعني أقصى عدد ممكن تلاقيه من العربية 7 عربيات زيها في العالم كله.. ودول أعلى 5 عربيات وسعرهم.

Koenigsegg CCXR Trevita

الشكل بتاعها أكتر عامل حاجة بتشد اتصنعت في العالم كله 3 مرات بس، لكن تفتكر لي الشكل مغليها كده؟ ببساطة لأن العربية من الماس، أيون زي ما قرأت الماس، الطلاء اللي من بره بتاع العربية متشبع بالكربون والماس اللي هو من أغلى الأحجار في العالم، غير كده فسعة لتر 4.8 والمحرك بقوة 1004 وده كان الصدمة الحقيقة اللي متمشميش خالص مع سعرها اللي تخطى 4.8 مليون دولار، لكن في النهاية هي متصنعة مخصوص بمواصفات اللي طلبها التلت أشخاص اللي امتلكوها في العالم كله.

Lamborghini Veneno

المميز في العربية دي مش بس سعرها اللي 4.5 مليون دولار، لكن إنها اتصنعت مخصوص احتفالا بعيد ميلاد الخمسين للي صنعها، وأن معنى اسمها بالأسبانية كلمة سم، يعني إشارة للموت  أو إنها هتقتلك عشان قوتها، وسرعتها تصل من الصفر 60ميل في الساعة  خلال 2.9 ثانية وبقوة 740 حصان.

W Motors Lykan Hypersport

أيون هي عربية فيلم  Furious 7، بفوانيسها اللي مكانها مجوهرات ، واللي صنعوها وصفوها إنها واحدة من أغضب السيارات في العالم، يعني خاف منها عشان بتتعصب بسرعة وبتنطلق من سرعة الصفر ل62 ميل في الساعة في أقل من 2.8 ثانية و تصل 770 حصان و3.7 لتر هي ثالث أغلى عربية في العالم، والمفاجاة أن شرطة دبي تستخدمها في الدوريات اليومية وسعرها 3.4 مليون دولار.

 Bugatti Veyron

هي مش بس ضمن أغلى العربيات في العالم لا ضمن أسرعهم كمان سعرها نفس سعر اللي قبلها 3.4 مليون دولار لكن مع اختلاف جامد على الطريق لأنها عاملة 1200 حصان غير أن سرعتها خيالية بتوصل لـ254 ميل في الساعة.

Ferrari Pininfarina Sergio

هي أرخص الخمس عربيات وسعرها 3 مليون دولار، وتعتبر نسخة اتعاد تصمميها وتعديلها من Ferrari 458 Spider، لكنها أخف وأسرع وبقوة  562 حصان.

شير