الفورمة

عشان تبقى فورمة صح .. اعرف قواعد الجيم الأربعين

عشان تبقى فورمة تمام ، لازم تبدأ جيم صح ، علشان كدا هنحاول نقولك ازاي تدخل في فورمة عالية عن طريق 40 قاعدة لازم تمشي عليها، ساعتها نقدر نقولك بعدها “عاش”.

 

1 –  اكتر حاجة هتسمعها عاش ياكوتش وعاش ياوحش

2 – التمرين لازم يكون أهم حاجة في حياتك

3 – ماتحاولش تبقى عفيجي ابدا واحدة واحدة وعلى مهلك

4 – الجيم و الwahtsapp  ماينفعش يجتمعوا فى مكان واحد.

5 – لو هتساعد واحد من أول عدة و تشيله الدمبل و تنزلهوله، ده مش محتاجك، ده محتاج فليبينية.

6 – الجوانتى ده تلبسة لو انت “جون” أو بنت مابتسلمش على ولاد، ملوش اى علاقة بالجيم.

7 – لو الجيم فى بنات، لازم تبقى فاهم أن الـ”Treadmill” ديه “ليلة الحنة” ماينفعش ولد يخش يلعب عليها، بنات بس.

8 – لو حد قال كلمة “عاش” أكتر من 4 مرات، علم عليه ده لسه جديد.

9 – الفنلة “الكت” ماتلبسهاش غير بعد 18 شهر قبل كده انت برص بلدى.

10 – لو اتمزقت انت ماتحسدتش، انت بتلعب غلط.

11 – لو بتلعب بقالك 6 شهور وواحد قلك “انت خاسس ليه هو انت مبطل”، ماتردش عليه اقتله.

12 – لو بتلعب بنش اقل من 100 كيلوا ملكش اى حقوق فى الجيم.

13 – لو وزنك 70 كيلو و بتعمل “ديت”، انت بتعمل فورمة لاعب “بالية ايقاعى”.

14 – علبة التونة جزء من شخصيتك.

15 – اشترى كتاب “كيف تبقى فورمة فى 24 ساعة” و ارميه و خش اتمرن.

16 – رسمياً لقب “وحش” بتاخده بعد أول جهاز تقفله.

17 – اللى بيلعب الجهاز بالعكس ده محدث نعمة ولو روحت بيته هتلاقية حاطط نجفة فى الحمام.

18 – فورمة الساحل بتنبدى من شهر 5، لو روحت بعد كده صيّف فى “الفيوم” او “فايد”.

19 – ماتثقش فى اى حد بيحط “جيل” و هو رايح التمرين.

20- التمرين  مهم تاني وتالت وعاشر

21 –  مفيش فورمة طبيبعى كامله فى 4 شهور ده ضرب حقن يامعلم.

من رقم 22 إلى 39: اتمرن وملكش دعوه بفورمة “لازار انجيلوف” ده مش انسان اصلا.

40 – اللى بيلعب الكتاف مع الرجلين، دول اللى مش فاهمين اى حاجة.

شير