الجيران الصحاب شارعنا

على الناصية .. أنواع الشباب اللي بتقف على اول الشارع

 على ناصية حارتنا شباب كتير، في منهم الجدع وفي منهم اللي مش ولابد، أنواع كتير هتقابلها في شارعك، هتلاقيهم واقفين طول اليوم ماتفهمش واقفين ليه أو بيعملوا ايه، بس هما واقفين وخلاص.

 المتحرش

ده اللي واقف يعاكس في البنات اللي رايحة واللي الجاية، بيحاول يتحرش بيهم، النوعية دي هتلاقي منها كتير أوي .

الحبيب

ده اللي دايمًا هيمان على روحه، طول الوقت واقف على ناصية الشارع بيتكلم في الموبايل، مهو معاه باقة بقى .

الزهقان

وده الشخص اللي دايمًا زهقان من كل حاجة، بيحاول يفك عن نفسه شوية بإنه يقعد على أول الشارع .

الاجتماعي

وده شخص بيحب كل الناس دايمًا واقف أو قاعد على أول الشارع علشان يسلم في اللي رايح واللي جاي.

المزجنجي

وده الشاب اللي هتلاقيه واقف  على الناصية بسيجارته، ناسي الدنيا واللي فيها، أهم حاجة عند السيجارة.

شير