ليه 2017

فتيات اثارت الجدل في 2017

السنة اللي فاتت في بنات كتير اثارت جدل كبير على مواقع السوشيال ميديا، وبقوا حديث كل البيدجات على فيس بوك وتويتر، وانقسم الناس بين مؤيد ومعارض، ناس بتهاجمهم وناس بتدافع عنهم، عملوا قلق ولخبطة كبيرة جدًا .

السنجل مازر

دي كانت القضية الأبرز اللي اثارت جدل كبير على مواقع التواصل، والسنجل مازر ده لقب اطلقه رواد السوشيال ميديا على بنت اسمها هدير مكاوي، اللي أعلنت أنها خلفت من واحد اتجوزته عرفي ونشرت صورة ليها ولأبنها على صفحتها على فيس بوك وقالت انها رفعت دعوى قضائية لاثبات نسب الطفل.

فتاة المول

سمية طارق المعروفة بفتاة المول رغم أن قصتها قديمة شوية لأن بدايتها بترجع لسنة 2015 الحكاية بدأت بعد ما تم التحرش بيها في مول بمصر الجديدة، بعدها ظهرت مع ريهام سعيد في صبايا الخير علشان تقول قصتها بعدها اتسرقت صورها من موبايلها الخاص واتنشرت في البرنامج وعلى مواقع التواصل، الموضوع اتجدد السنة دي بعد ما ظهرت بخياطها في وشها، بعد ما تعدى عليها المتهم بقضية التحرش وضربها بـ«كتر» في وشها وعملها جرح قطعي  طوله 20 سم، مش كدا وبس سمية من كام يوم حاولت الانتحار وخرجت في فيديو بث مباشر على فيس بوك سمته الدقائق الأخيرة علشان تقول انها قررت الانتحار.

دعاء صلاح

دي إعلامية مثيرة للجدل على مواقع التواصل قدمت برنامج مع دودي شو، ليها اكتر من موقف اثار جدل كبير على السوشيال ميديا، زي ظهورها في البانيو وادعائها انها هتبقى سنجل مازر وغيرها من المواقف اللي ظهرت فيها في حلقات برنامجها.

مطربة كليب عندي ظروف

شيماء أحمد عبد الرؤوف المعروفة في الوسط الفني باسم شيما ودي مطربة أثارت جدل كبير على مواقع التواصل بعد ظهورها في كليب عندي ظروف، اتهموها بالفسق والفجور وتم الحكم عليها بغرامة 10 الاف جنيه والحبس لمدة سنتين هي ومخرج الكليب.

شير