الصحاب شارعنا

فروق تخليك تعرف تختار بين صاحب القهوة وصاحب تدخله بيتك

إسراء الطيب 

مش أي صاحب بتسمحله إنه يدخل البيت ويتعامل مع أهلك وإخواتك ومراتك وأولادك، في صحاب أخرهم تربيزة القهوة وصحاب تانية معرفة سلام سلام على قد الكلمة، وفي نوع تالت اللي هو صحاب المنطقة اللي أخرك تنزل تقف معاهم شوية على أول الشارع ودول بيكون صحاب عمر متربيين مع بعض بس مش كلهم تآمن ليهم..

لكن برضو في صحاب ضهر وسند دول ممكن تدخلهم بيتك وتخليهم كمان يتعاملوا مع أهلك وأنت مطمن مش حاسس إنك دخلت شيطان ولا واحد مش كويس على أهل بيتك، لكن تعرف إزاي إنه محترم وتأمنه على البيت ببساطة كام نقطة صغيرة كده ممكن نركز عليها وهتلاقيك أنت نفسك ركزت فيهم قبل ما بتدخل أي حد بيتكم.

يعرف ربنا.. هيعرف إن البيوت ليها حرمه 

بيحترمك في ضهرك ووشك.. فعمره ما هيفكر يجرحك

مبيرفعش عينه في أهل بيتك.. وعارف الأصول كويس

يكون صاحب عمر تعرفه من زمن.. هتكون مطمن لآنه مش معرفة يوم

تضمنه زي ما تضمن نفسك .. فمش هتخاف وهو جي بيتك

شير