تكنولوجيا

فيديو..أول نسخة ويندوز في التاريخ

فيديو..اول نسخة ويندوز في التاريخ

في ناس كتير فاكرة ان اول نسخة ويندوز نزلت هي 98 والناس المثقفة تكنولوجيا اوي بقى فاكرة انها 3.11 , واحنا بنقولهم لا مش دي اول نسخ نزلت في نسخ قبليها, تعالوا بقى نبقى احنا مثقفين اكتر منهم ونعرف هي ايه اول نسخة ويندوز في التاريخ.

 ويندوز 1

فعليا هو ماكانش ويندوز بالمعنى المتعارف عليه دلوقتي لكنه كان مجمع بين الويندوز والدوس وكان لازم علشان تنزل الويندوز ده على جهازك انه يكون معاك الديسك المربع الاسود بتاع زمان ده وانه يكون عندك دوس في جهازك وتم اصدار النسخة دي لاول مرة في 20 نوفمبر 1985 واتطور لعدة نسخ “1.01 و1.02 و1.03 و1.04”.

ويندوز-1

 ويندوز 2

ما اختلفتش كتير عن النسخة اللي قبليها غير انها كانت اول نسخة ويندوز بتدعم برامج زي مايكروسوفت وورد واكسل وكان ممكن تسطبها من غير ماتدخل على الدوس عكس النسخة الاولانية ده غير انه كان مع النسخة دي شوية برامج مرفقة زي الالة الحاسبة والساعة وكانت اول نسخة برضه ممكن تكبر وتصغر فيها النوافذ وتم اصدار النسخة دي سنة 1987.

ويندوز-2

 ويندوز 3.1

تم اصداره سنة 1992 وده يعتبر فعلا الاصدار الفعلي الاول للويندوز واتضافت على النسخة دي خاصية ال”start up” واللي بتخلي برامج معينة بتحددها انت انها تشتغل اول ما الجهاز يفتح معاك وكمان اتضافت عليه برامج دعم تشغيل كارت الصوت غير ال”screen saver” وزودت لاول مرة امكانية حذف البرامج المتسطبة على الجهاز اللي هي موجودة في ال”control panel” دلوقتي.

ويندوز-3.1

 ويندوز ان تي 3.1

نسخة مطورة من ويندوز 3.1 والجديد في النسخة دي وقتها انها ممكن تنزل من غير دوس وكان اول اصدار يشتغل على بيئة ال32 بيت لان كل النسخ اللي فاتت كانت 16 بيت وكانت اول نسخة فيها امكانية عمل شبكة داخلية تخدم الشركات.

ويندوز-ان-تي-3.1

ويندوز 3.11

اول اصداراته كانت سنة 1993 واللي زود فيه خدمة الشير في الشبكات المحلية جوه الشركات وكان مزود بتطبيقات جديدة كانت اول مرة تنزل وقتها زي Microsoft mail ولكن النسخة دي زيها زي اللي قبليها ماكانش ينفع لاي حد انه يدخل على الانترنت من غير برامج اضافية لدعم الدخول على الانترنت.

ويندوز-3.11
شير
PGlmcmFtZSBpZD0nYTY1MTNiYTInIG5hbWU9J2E2NTEzYmEyJyBzcmM9J2h0dHA6Ly9lcGljbWguY29tL2Fkc2VydmluZy93d3cvZGVsaXZlcnkvYWZyLnBocD96b25laWQ9MTcmY2I9SU5TRVJUX1JBTkRPTV9OVU1CRVJfSEVSRScgZnJhbWVib3JkZXI9JzAnIHNjcm9sbGluZz0nbm8nIHdpZHRoPSc4MDAnIGhlaWdodD0nNDAwJz48YSBocmVmPSdodHRwOi8vZXBpY21oLmNvbS9hZHNlcnZpbmcvd3d3L2RlbGl2ZXJ5L2NrLnBocD9uPWEyMWNmZTNmJmNiPUlOU0VSVF9SQU5ET01fTlVNQkVSX0hFUkUnIHRhcmdldD0nX2JsYW5rJz48aW1nIHNyYz0naHR0cDovL2VwaWNtaC5jb20vYWRzZXJ2aW5nL3d3dy9kZWxpdmVyeS9hdncucGhwP3pvbmVpZD0xNyZjYj1JTlNFUlRfUkFORE9NX05VTUJFUl9IRVJFJm49YTIxY2ZlM2YnIGJvcmRlcj0nMCcgYWx0PScnIC8+PC9hPjwvaWZyYW1lPg==