الكراش للرجال فقط

قبل ما تفكر تكراش خد بالك من خدع البنات

إسراء الطيب 

ركز معايا يا افندي كده عشان ميضحكش عليك، دلوقت أنت شوفتها من بعيد أعجبت بيها، وبدأت ترسم مستقبلكم سوا، وتتغزل في جمالها وعنيها وشعرها ودلالاها، وغيره وغيره، استوووب، مش لما تتأكد الأول اصلا دي عنيها ولا لا، وصورها على إنستجرام والطبيعة هما ولا لا.

لا روحت فين عايزاك تصحصح كده، ده في بدل الخدعة في اتنين وتلاتة وخمسة كمان، في حجات كده لازم تفكر فيها قبل ما تفكر تكراش على بنت عجبك شكلها، وتنجذب للشكل في العموم لكن لو إنجذبت ليها عشان شخصيتها ولا هيفرق معاك بقى عاملة أي في شكلها، المهم خلينا نركز في أكتر حاجات مبتكونش واقعية في صور البنت على العموم على السوشيال ميديا أو لما تشوفها من بعيد.

1- الاكستنشن بقى مالي البلد خد بالك لو شعرها الطويل اللي عاجبك طلع بروكة متركبة دلوقت بقت تعمل ثابتة ل6 شهور

2- صور انستجرام لا تمت للواقع بصلة وكذلك السناب شات، دي مش هي ده الأبلكيشن

 

3- احذر الينسسز لان دي في الصورة بتتغير ببرامج وف الشارع بتلبس واحدة جديدة كل شهرين لو مش كل يوم

4- الميك أب دلوقت مبيخليش، بيخفي كل حاجة وهتبان لك مفيهاش غلطة وبرامج الفلتر على التلفون مختلش

5- الفوتوشوب بقى مقولكش في الصور تبان كأنها باربي ولما تيجي تخرج تضرب الكورسية وتخفي اجدعها كرش

شير