حيوانات غريبة عجائب وغرائب

قطة بوجهين تثير حيرة العلماء في العالم

قطة في جنوب افريقيا اثارت جدل كبير خلال الفترة اللي فاتت وده بعد ما اتولدت بوشين وفضلت حية لكذا يوم، لدرجة خلت اطباء وعلماء كتير تحتار في الموضوع ده .

بداية القصة 

اسرة من منطقة كيب الشرقية بجنوب افريقيا فوجئت بأن القطة بتاعتهم الأليفة ولدت 3 قطط صغيرين، واحدة منهم اتولدت بوجه كبير فيه أنفان وفمان و3 عيون، سموها بيتي بي بعد ما عرضوها على الاطباء توقعوا انها هتموت على طول. بس هي فضلت لفترة كبيرة حية .

تشخيص الحالة 

الاسرة بعتت بيتي بي لمركز رعاية للحيوانات الأليفة علشان يعتنوا بيها ويعالجوها، وكانت بيتم تغيتها عن طريق أنبوب، حالتها اتشخصت بأن الفمين بتوعها بيشتغلوا بشكل كويس وانها هتعيش بشكل طبيعي.

الحالة العلمية

بيتقال على حالة بيتي بي اسم ثنائية الوجه ودي حالة بتنتج عن طريق خلل جيني شديد الندرة، بيخلي في تكرار لكل أو بعض أعضاء الوجه عند الحيوانات المولودة .

الحالة الغريبة 

حالة القطة دي غريبة جدًا لانها لغاية دلوقت لسه عايشة وعلشان بيتقال انها عايشة كويس وانها قدرت تفتح عين من عيونها، بس عيونها التانية لسه مقفولين وده اللي خلى ناس كتير تتابع حالتها واخبارها على مواقع التواصل الاجتماعي.

شير