عجائب وغرائب

قلعة الأميرات والكهف العائم.. أماكن مبقتش في الحكايات بس

إسراء الطيب

أماكن كتير بنسمع عنها في الاساطير وبس ومتخيلناش إنها تكون موجودة، غير أماكن تانية عبارة عن معجزات على الأرض الناس متعرفش عنها حاجة.

ناس كتير مبنتصدقش وجود أماكن كتير في العالم لما يجلها صورها أو فيديو ليها، وبتبدأ تفكر إن ده فوتوشوب أو مش حقيقي عشان عقلهم رافض وجود حاجة فوق استيعاب، وده بيحصل مع المعجزات الطبيعيية على عكس الأماكن اللي بتكون زي قلعة الأميرات وغيرها من الأماكن الخيالية اللي اتنفذت في الحقيقة.

Glen Brittle

المكان اتشهر جدًا لآكتر من سبب أولا هو موجود في جنوب جزيرة سكاي في اسكتلندا وعبارة عن وادي واخد شكل حرف u الجبال والماية والشجر بيجتمعوا التلاتة حواليه وبيعملوا منظر طبيعي متصدقش إن في حاجة بجمال الألوان والطبيعة دي.

 

 Fly Geyser

بتتسمى النافورة الساخنة أو السخان الطائر، لآن مش بس ألوان الحجارة بتاعتها الفريدة في تصمميها وشكلها اللي بيشد الناس ليها، لكن سخونة الماية اللي بتطلعها من قلبها بشكل متواصل من غير ما تقف، السخان موجود في  ولاية نيفادا. الغريب أنه بيكبر مع مرور الوقت ووصل طوله دلوقت لـ3 متر.

fingal’s cave

الكهف مزيج ما بين الشلالات والكهف المضئ والجيل اللي قلبه متصدقش غنه مقسوم وجواه عالم تاني من الطبيعة والسحر،  ورغم صعوبة الوصول للكهف إلا أن ناس كتير بتسافرله مخصوص كل سنة وأعلن الجولجيين ان عمره يوصل لآكتر من 60 مليون سنة، المكان اشبه بمزيج ما بين بركان ناري وسبا طبيعي، لآنه بيرتفع كل مدى مع الماية السخنة اللي بيضخها 24 ساعة في الـ24 ساعة من غير ما تقف خالص وده خلاه عمل دواير سخنة حواليه..

swallow nest

قلعة السوولو او عش السنونو، أسماء كتير اتسمت بيها القلعة اللي تحس فيها بمزيج عالم ديزني ودقة المعمار اللي فيه لمسات من الحداثة لكنها اتبنت في 1912 وصممها المهندس الروسي ليونيد شيروود ، ومكانها في أوكرانيا والسكان المحليين هناك سموها قلعة الحب وده خلى كتير من العشاق يروحلها دايمًا واستوحت منها قلاع الأميرات في عالم ديزني.

 

ولو حابب تشوف أماكن أكتر ممكن تتفرج على الفيديو ده 

 

 

 

شير