الكراش للرجال فقط

كيف تشقطين رجلا من على الفيس بوك

خلينا نفكر مع بعض من غير كلام معقد أو خطط فاشلة ببساطة ازاي تجذبي انتباه الكراش ليكي من غير ما تحسي إنك تقيلة عليه أو راميه نفسك  والرحلة دي بتبدأ بالاختراع العظيم اللي مسيطر على أكتر من 80% من وقتنا على الأنترنت في العموم اللي هو الفيسبوك..

بداية كده لو هو عندك فريند مش هتحتاجي تفكير تبعتيله أدد ولا لا، لآنك لو مش عنده لازم تعرفي ازاي تخليه هو يبعت انتي اعملي فولو وبس،  في أسوء الظروف لو إنتي مش من الفريند عنده على الفيسبوك هتعملي اي

– مش هتبعتي أدد خالص هتستني هو هيبعت

خدي أسبوع كده رصد حالة كأنك هتعملي عليه دراسة بالظبط

بعد ما تخلصي متابعة هتقدري تعرفي اي أكتر حاجات بيحبها، مهتم بيها، نفسه فيها، أي الحاجات اللي بتشده وبيعملها شير؟ 

بعد ما بنعرف بيجي وقت أول خطوة وأهم خطوة..

تلاقيه كاتب بوست بيحكي في  أي قضية أو اقتراح، ادخلي علقي فيها وتكوني فاهمة عشان ميقولش عليكي متخلفة وحاولي تتبني وجه النظر العكس  تماما، هتستمري على كده أسبوع مثلا قبل اخره كده ادخلي اعتذريله في الشات أن مش تقصدي إهانة ليه أو حاجة من الكلام ده وان دي وجهة نظر وغيره.. بس يا ستي وتكوني كده أخدتي أول خطوة.

بعد ما تستمري على وضع البوستات ده والشات والمسدجات  كذا يوم اختفي خالص ومتنزليش بوستات عندك غير واحد مثلا او واحدة صحبتك تكتبلك الف سلامة عليكي  وكده 

بعدها هتستني النتيجة إما تكملي وإما شكرا إنتي مش في دماغه وفاكس الموضوع كله، لو لقتيه عمل ليك لبوست صحبتك أو بعتلك مسج ألف سلامة، مترديش ولا تعملي سين في وقتها ممكن بليل او تاني يوم الصبح بس خليكي ناصحة ومتكونيش اون لاين عشان ميقولش بتنفضي ولو مش عارفة تعملي اوف لاين من ماسنجر شوفي المسج عادي وتاني يوم الصبح قوليل معلش كنت تعبانة مقدرش ارد.

لو عمل الخطوة اللي فاتت دي يبقى إنتي خدتي ولو جزء صغير من تفكيره، بعدها هيبدأ الشغل اللي بجد بقى، تتكلمي معاه مش كتير بس تشوفي اهتمامته ذاكريها افتحي معاه باب للكلام بيحب الأكل السفر ابعتي لينكات، شاركيه الاهتمام.

بعد كده الخطوة الأهم وازاي يدخل الموضوع في الجد مش كومنتات وخلاص، دوري على أي مناسبة ليه، عيد ميلاده مثلا، تخرجه شغل جديد اي حاجة وابعتيله هدية تكون من صميم شغله اوآاكتر حاجة مهووس بيها مثلا، مرة تانية فاجئية بحاجة كان بيدور عليها على الفيسبوك.

تابعي اي اكتر الصور بتشده وبيدور عليها على الفيسبوك خصوصا إن سهل تعرفي اي صورة عمل عليها لايك او كومنت ببساطة اكتبي في السرش بتاع الفيسبوك photos liked by  واكتبي اسمه هيجبلك كل اللي هو بيتابعه.

بعد الخطوة دي نهدي اللعب بقى عشان ميحسش نك مدلوقه الكلام يكون قليل فت المواضيع لو مفتحش متطوليش في الكلام لو في ايفنت او لينك لحاجة بيحبها ابعتيه وبس ممكن ايموشن وشكرا واستني هو يفتح كلام، لو بدأ يتفاعل ويتكلم اعرفي انه كجه تمت عملية الشقط بنجاح وتتنقل هنا من الفيسبوك للواقع وتخرجوا وو حبتيه تقدري تخليه يطلب إيدك وتساعديه عشان تكون علاقتكم رسمي، محصلش هنا هيكون عملتي اللي عليكي يا بنت الحلال وهو ميستهلكيش أو في واحدة تانية سبقتك وفي الحالتين بلاش منه وشوفي غيره

كيف تبدأ حديثك مع «الكراش» .. 9 نصائح للجميع

شير