عجائب الدنيا عجائب وغرائب

للرجال فقط .. جزيرة يابانية ممنوع دخول النساء فيها

بعد انضمام جزيرة أوكينوشيما اليابانية، لقايمة التراث العالمي التابعة لمنظمة الأمم المتحدة للتربية والعلم والثقافة المعروفة للناس باسم اليونسكو، كان لازم نتكلم شوية عليها خصوصًا لانه جزيرة مشهورة بحاجة غريبة جدًا:


ممنوع دخول النساء


جزيرة أوكينوشيما دي جزيرة محظور دخول النساء فيها لأسباب دينية مش كدا وبس الجزيرة موجود فيها الآلاف القطع الاثرية والذهبية اللي بيقدمها الزوار الرجال هدية واللي تراكمت على مدى سنين وقرون كتير.


تاريخ الجزيرة


الجزيرة وجود فيها معبد أوكيتسو اللي اتبنى في القرن الـ17 الميلادي، وده معبد مخصص للصلاة علشان سلامة البحارة والسفن اللي بتمر حول الجزيرة.


الطقوس داخل المعبد


ممنوع دخول النساء في الجزيرة، كهنة المعبد بيشترطوا الطقوس على الرجالة بس قبل دخول الجزيرة، وخلع ملابسهم والتطهر، مش كدا وبس ماينفعش انهم ياخدوا أي شيء معاهم وقت خروجهم من الجزيرة، أو الكلام على اللي حصل جوا الجزيرة اثناء الزيارة.


زوار الجزيرة


الجزيرة بتستقبل الزوار في يوم واحد بس بالسنة وهو يوم 27 مايو من كل سنة، وماينفعش يزيد عدد الزوار عن 200 شخص عليهم أنهم يخلعوا ملابسهم ويمارسوا الشعائر للتطهير وبعدين يخرجوا من غير اي حاجة .


الصلاة في الجزيرة


كانت جزيرة أوكينوشيما قبل فترة كبيرة من بناء العبد مقصد مهم لممارسة الشعائر الدينية زي الصلاة على السفن اللي بتمر من المحيط وعلشان الروابط التجارية مع الشعبية الكوري والصيني.

شير