خروجات

للشباب فقط.. اكتشف أجمد أماكن للخروج أحسن من القهوة

إسراء الطيب

دايمًا بتدور على مكان جديد تقعد فيه أنت وصحابك تفكوا على نفسكم وتسيبكم من الخنقة بتاعت البيت والشغل، وحابين تغيروا جو القهوة بتاعت كل يوم وتخلوا يوم في الأسبوع تفاريح كده، بسيطة ممكن نشارك هنا أماكن مختلفة تقدروا تلعبوا فيها بلاي ستشن، وتشروبوا وتتفرجوا على السينما .

Corner Game Center 

ده مركز ألعاب في حاجات كتير ممكن تلعبها وأسعاره مش أوفر يعني البلاي ستشن ب25 والبينج 20 وغيرها من الألعاب، وفي سندوتشات سجق وحلاوة ب5 جنيه، المكان بيخدم أكتر ناس اللي ساكنين في فصيل وجيزة وحدايق الأهرام، لأنه عند البوابة التالتة لحدايق الأهرام.

Ps corner 

ده للناس اللي ساكنة في المقطم أو المعادي لآنه في الهضبة الوسطى في المقطم، نظام الألعاب فيه كالآتي، المكان هناك متقسم أوض،  وشاشات تلفزيون 55 بوصة والبلاي ستشن ب20 و30 جنيه أما الأكل فسندوتش البانية بيعمل 15 جنيه والسوسيس نفس الكلام.

Ghost Playstation
 
المكان موجود في شارع الطيران في مدينة نصر، وللي بيغلب على المكان الديكور المختلف بتاعه من رسم وألوان فسفورية على الحيطة،  غير الفرجة على الماتشات واللعب والبلاي ستشن،  وكل الاجهزة PS4 و التلفزيونات هناك 50 بوصة فتحسسك إنك في الملعب،  وفي نظام أوض  خاصة بتكون بنفس السعر اللعب العادي بس دي بتكون بالحجز عشان دول أوضتين بس vip.

War PlayStation And Cafe

 المكان في عباس العقاد مدينة نصر، هو ميكس كافية عادي للناس اللي ملهاش في الألعاب، واللي ليه في البلاي ستشن، هيلاقي ليفل تاني من اللعب بأجهزة ونضارات اللي بتتلبس على العين تحس إنك بقيت كائن فضائي، المكان بيوفر برضو الألعاب التقليدية بتاعت القهوة زي الطاوله و الدمينو و الكوتشينة  يعني مش هتحس إن ناقصك حاجة من القهوة، وهو متقسم 6 غرف ، وأكبر واحدة فيهم تكفي لحد 8 أفراد كل غرفة فيها شاشة بلازما HD (50 بوصة) وجهاز بلاي ستيشن 4 
شير