الحياة الشغل

لو مديرك تنك إزاي تعلم عليه من غير ما تترفد

إسراء الطيب

بص الدنيا دي حظوظ وكل واحد ونصيبه إما حظك يجي في مدير بن حلال هادي وكريتف كده في نفسه بيخليك تطلع أحسن ما فيك ويساعدك تكون أحسن، أما يكتب عليك مدير مبالغ في أمره وثقيل الدم والطباع، ويكفر سيئاتك وتندم إنك جيت الشركة دي وتدعي ليل نهار على اللي قالك اشتغل مع المدير ده.

لكن لو افترضنا خلاص نصيبك بقى مع مدير تنك، والشركة كويسة وأنت بتحب الشغل، والمرتب حلو، ازاي ممكن تتعامل مع المدير ده،  وتخليه يتحول من ثقيل الدم لزميل عادي ومتقلقش منه، وهو يعاملك نفس الشعور.

1- حطه تحت المراقبة وشوف أكتر حاجات بتخليه مبسوط وحاول تعملها

2- ثبته مرة مع التانية بالحاجات اللي بيدور على حل ليها ومش عارف يتعامل معاها

3- دور على الخلل في شغلك فين وحاول تطور من نفسك عشان ميمسكش عليك حاجة ولا هو ولا غيره

4- بلاش تنفخه وتقضيها مظاهر عرفه حدوده فين وعاملة على اساسها من غير ما تتكبر أنت عليه ولا تتعالى متنساش إنه مديرك

5- خليك دايمًا مستمع لنصايح كل اللي حواليك، اتعلم على قد ما تقدر لحد ما تكون فاهم كل حاجة وقتها كل زمايلك هتعتمد عليك بس متندلش وتكون تنك أنت كمان

شير