الجواز الحياة

لو مراتك طلبت منك تقاطع صحاب عمرك هتعمل أي؟

إسراء الطيب 

الإخوات في الدنيا دي بيكونوا نوعين نوع بيكون من الأب والأم عادي، ونوع تاني بيكون بالعشرة والصحوبية والسنين، وأحيانًا النوع التاني بيكون أقربلك كمان من إخواتك اللي من لحمك ودمك، طب لو لقيت نفسك في يوم مجبور تقطع علاقتك بيهم تعمل أي؟

إنك ترتبط بواحدة وتقرر إنها تكون مراتك معناها إن دي الست اللي عايز تكمل عمرك معاها اللي هتكون أقرب ليك من روحك، وهتكون اساس بيتك وعيالك وسندك في الدنيا، لكن لو لقيت مراتك بتطلب منك إنك تبعد عن صاحب عمرك هتعمل أي؟ تعالى نشوف كام سناريو وشوف إنت أي يريحك..

تتعصب وتقولها لا

لو أخدتك بقى العصبية وقررت تنفعل عليها وتقولها لا ومش هفارقه وبدأت تغلط هتفتح على نفسك فاتحة إنت مش قداها بالذات إنكم لسه متجوزين ومعداش لسه على جوازكم كام شهر عشان كل واحد فيكم يفهم طباع التاني ويعرف ازاي يتعامل معاها، فهنا حظك هيكون حاجتين إما رد فعلها تسيبلك البيت وتمشي وشكرًا طلقت قبل ما تتجوز عشان صاحبك اللي مش قاعد معاه اصلا صبح وليل أو تكون حكيمة شوية وتلقيها قفلت الموضوع بس قعدت معاك في بيت واحد زي الإخوات وهي قالبة وشها ونكدت على نفسك.. مبروك.

 

تاخدها بالسياسة وتنيم الموضوع

ممكن تعمل نفسك مش واخد بالك وتقعد تسايس وتحايل بحيث متركزش في الموضوع نفسه وبصنعة لاطفة تغيره خالص لآس موضوع تاني، بس كده إنت إما هتلبس لو مراتك من الستات اللي ميتلفش ويدار عليها وهتلاقيها بقفش إنك بتغير الموضوع، وليلتك هتبقى بيضة، أو هيضحك عليها بس مفيش يوم وهتلاقيها بتتخانق تاني معاك لنفس الموضوع.

 

توافق وتقطع علاقتك بيه 

لو قالتلك سبب قوي لقطع العلاقة دي زي غنه بصيلها مثلا أو إنه مش محترم ومسكت عليه حاجة في الحالة دي يبقى كلمة وناهية ولازم تقطع علاقتك، لكن لو بتقولها أنانية منها، هنا لازم تاخد بالك من حاجة تانية إن لو عديت الموضوع ووافقت على طول من غير مناقشة وتقنعك برأيها  هتلاقي حياتك اتقلبت بعد كده لإنك بسهولة ضحيت بصاحب عمرك عشان خاطرها أومال بعد كده هتطلب أي وتوافق عليه برضو وتلغي شخصيتك، المهم مش إنك توافق أو ترفض الأهم إنك تسمع رأسها وفي نفس الوقت متلغييش شخصيتك.

 

تهديها وتتبع بعد كده خطة الإخوة

هديها خالص وبلاش تفكر تقولها اهدي وبعدين نتكلم خالص الستات لما بتقولها نتكلم كمان ساعة بتقعد الساعة دي تهري وتنكت وبتتعصب أكتر، فأنت هديها وغيروا المكان اللي قاعدين فيه يعني بدل الليفينج روحوا الصالون وابدأ فهمهما مين هو الشخص ده وأهميته في حياتك أي ووقف معاك كام مرة وكان هيضحي بيحاته عشانك وأقعد أشكر فيه واختم كلامك بصاحبتها الانتيم قولها لو كانت عملتلك كل ده كنتي هتقطعي علاقتك بيها ببساطة، دا أنا لو وافقت المفروض تخافي مني إني مبقتش على صاحب عمري هبقى على حياتنا إزاي؟!

 

 

شير