السواقة

ليه لازم تلبس الحزام وانت سايق

ده سؤال طبيعي لازم كل واحد متعلم سواقة جديد يفكر فيه ويسأله لنفسه أو لغيره، هو ليه لازم نلبس حزام الأمان واحنا سايقين، ورغم خطورة الموقف، واهمية الحزام في السواقة إلا أن كل المصريين ماحدش فيهم بيلبس الحزام وهو سايق، اللي يقولك ده بيخنق واللي يقولك أصل الجو حر، وهتلاقي اللي يقولك مابحبش اتكتف وانا سايق، وغيرها كتير من المبررات اللي مالهاش أي لازم، علشان كدا احنا قررنا نقولك على السبب اللي هيخليك تلبس الحزام وانت سايق.

الحوادث

علشان لو حصلت أي حادثة بسيطة لا قدر الله ماتأثرش عليك الحزام هيمنعك من أنك تخبط في الدريكسيون، ده غير أنه هيقلل من قوة الاصطدام بأي جسم في العربية .

اللجنة والمخالفات

علشان ما تقعش في أي كمين أو لجنة على الطريق وساعتها هتدفع غرامة وهتاخد مخالفة .

 السرعة

علشان لو حبيت تسوق بسرعة على الطريق السريع، الحزام هيطمنك أكتر وأنت سايق.

 الاصابات

حزام الأمان بيقلل معدل الاصابات في حوادث الطرق وبيقلل الوفيات لـنسبة بتوصل لـ50 % وبيخفف معدل الاصابات  بنسبة 65 % وده حسب أخر احصائية .

شير