الكراش للرجال فقط

مش الجواز بس اللي يخليك تكسب قلب البنت

 إسراء الطيب

شباب كتير فاكرين إن كل اللي البنات بتدور عليه هو الجواز والفلوس ولا الثري العربي مجهول المواصفات، مش حقيقي البنت لما بتفكر ترتبط بحد بيكون في دماغها طموحات كتير   للشخص اللي رسماه في خيالها أو اللي تحس إن مناسب إنه يحتل جزء كبير من اهتمامتها .

البنت عادة بتدور على حاجات تانية في اللي هترتبط بيه ولو ناصح وبتكراش عليها حاول تركز على النقط اللي جيه، فاكر أحمد حلمي وفيلم إكس لارج حاجة السكة دي الفيلم مكنش  مجرد حوار بيقوله ممثلين لا فعلا جرب تشوف اي اللي بيجي رقم واحد عند البنت وممكن في الأخر يكون الجواز لو طلعت فعلا بتقدملها اللي هي محتاجاه في شريك حياتها.

السند ..

تقف جنبها وقت ما تحتاجك ومتحسش إنها لوحدها، كل ما حست إنك سند ليها كل ما وثقت فيك أكتر وقدرت تكسب قلبها أكتر وتوافق إنك تكون شريك حياتها بعد كده.

الاهتمام

تعرف هي عايزة أي حتى من غير ما تطلبه منك، دي حاجة مهمة جدا عند البنت وبتخليك تحلو في نظرها جدا وتحبك من كل قلبها مش بس تكسبه، لأن اهتمامك هو ترجمة صريحة لحبك.

الهدايا

من وقت للتاني بتخلي كل حاجة حلوة تتجدد بينكم تاني وبتعرفها إنك لسه بتفتكرها لما بتشوف حاجة عارف إنها بتحبها، البنت بتتبسط لما تحس إنها محور اهتمام حد وبيخليها مباشرة تفكر فيه. 

 

متكونش نكدي

 بيقولك الستات نكدية اللي متعرفوش إنهم مش عايزين يتجوزوا عشان ميعشوش مع واحد نكدي كل اللي يعمله في حياتها ينكد عليها ويقولها في الأخر إنتي اللي نكدية ومتتعاشريش.

 

المفاجأت

 من وقت للتاني فاجئها بحاجات نفسها فيها أو كانت بتدور عليها، أو خليها تدخل البيت تلاقيك عامل ليها عيد ميلادها جايب لها ورد عامل العشا، غاسل المواعين أي حاجة تفرحها بيها. 

شير