Studio

مفاجأت لازم تاخد بالك منها وأنت في الغربة

إسراء الطيب

مهما كانت الأسباب اللي خلتك تسافر، وتبعد عن أهلك فهي صعوبات جابت أخرها معاك ومبقتش قادر تستحملها وقررت إنك تسافر عشان تقدر تحل كل الأزمات دي لما تجيب فلوس كويسة، لكن الفلوس الكويسة دي مش هتيجي بسهولة أبدًا سواء ضغط الشغل ولا أنك غريب في بلد ملكش حد فيها، أنت كده عديت أول الصعوبات مجرد ما سافرت لكن أي بقى الصعوبات اللي مستنياك هناك ركز في النقط دي عشان متتفاجئش لما تسافر.

متستناش معروف من حد

أغلب اللي شغالين زي بيكون كل واحد همه أنه يعمل أكبر  قدر من الفلوس ومش هينفض لمصلحته عشان مصحلتك أنسى.

اللي معاه فلوس بيعمل اللي عايزة

سواء الكفيل أو صاحب الشركة أنت مطلوب منك تنفذ كل أوامر غصب عنك ومن غير نقاش عشان أكل عيشك اللي متغربله.

أنت غريب يعني حقوقك متجيش حاجة جنب حقوق صاحب البلد

خليك عارف إنك مش ابن البلد وأي دولة بره أبن البلد نفسها ليه أولوية في كل حاجة أنت أخرها معاك يرحلوك بلا رجعة وكمان من غير فلوس

متثقش في حد كله مصلحته أولا

بلاش تاخدك الثقة أوي وتفتح صدرك وأنت بتتعامل مع حد لآن متعرفش ده مين ولا عايز منك أي وأنت لوحدك ومتعرفش حد تجري عليه ولا صحاب يقفوا في ضهرك.

حول فلوسك أول بأول على أكتر من بنك بقيمة فايدة عالية

متخليش فلوس معاك كتير كاش لان في أي وقت لو حصل اي مشكلة ممكن تترحل من غير ولا مليم وممكن لو بنك تبع البلد يجمدوا حسابك كمان خليك في البنوك الانترناشونال وفي نفس الوقت أمان على قد ما تقدر وممكن تخليها أكتر من بنك.

شير