المشاهير رياضة ع السريع

ملكة جمال روسيا في مصر للترويج لكأس العالم

حاليًا بتقوم روسيا للترويج لبطولة كأس العالم اللي هتقام على أرضها السنة اللي جاية عن طريق إرسال الشخصيات المشهورة والبعثات الخاصة لتسويق البطولة في معظم بلاد العالم، علشان كدا وصلت فيكتوريا لوبيريفا ملكة جمال روسيا السابقة للقاهرة إمبارح، بعد جولة في تركيا.

جولتها في مصر

فيكتوريا  لوبيريفا هتزور مصر وهتقعد فيها أكتر من يوم، ضمن جولات خارجية هتعملها  الفترة اللي جاية للتسويق لمونديال روسيا 2018، وده بصفتها سفيرة البطولة.

استقبال فيكتوريا

عدد من المسئولين استقبالبوا ملكة جمال روسيا في صالة كبار الزوار بمطار القاهرة، مش كدا وبس ده الركاب والشغالين في المطار حرصوا على أخذ شوية صور تذكارية مع الجميلة الروسية .

فعاليات الزيارة 

هتشارك فيكتوريا لوبيريفا في عدد من الفعاليات في مصر، وهي فعاليات تنشيطية خاصة بمونديال كاس العالم اللي هيقام في سنة 2018 واللي هيشارك فيه منتخبنا الوطني بعد غياب 28 سنة، وهي فعاليات مهمتها دعوة جمهور الكرة المصرية للمشاركة في مشاهدة البطولة اللي هتقام في روسيا.

سفيرة للبطولة 

كانت فيكتوريا لوبيريفا متزعمة الفترة اللي فاتت لحملة ترويجية لتنشيط السياحة الروسية ولدعوة جماهير كرة القدم علشان مايخافوش من عنف الجماهير الروس، قبل انطلاق منافسات كاس العالم فتم اختيارها سفيرة للبطولة علشان تقوم بالحملات دي على مستوى العالم.

شير