المشاهير ع السريع

ممثل مصري يرد على ويل سميث .. بهذه الصورة

الممثل الامريكي ويل سميث بيعتبر من الفنانين اللي ليهم شعبية كبيرة في العالم كله، ده غير انه محبوب جدًا في الوطن العربي، ده كان سبب يخلي معظم الفنانين الشباب بيتمنوا انهم يكونوا زيه أو نسخة منه، وده السبب الحقيقي اللي خلى واحد من أبطال برنامج SNL بالعربي انه يوصله رسالة معينة بعد نشر صورة ليه على اكونته الخاص.

بداية الحكاية

الفنان الشاب محمود الليثي نشر صورة من مشهد ليه في مسلسل سابع جار ، وكتب عليه تعليق قال فيه:” أسف سميث مازلنا نبحث عن السعادة”، ودي تعتبر إشارة منه على مشهد من فيلم The pursuit of happyness لويل سميث، وهي صورة اثارت اعجاب كتير من اصدقائه وجمهوره على فيس بوك وانستجرام.

فيلم The pursuit of happyness

الفيلم حقق نجاح كبير وقت عرضه سنة 2006 وكان مبني على قصة حقيقة وشاركه البطولة ابنه جيدن وثاندي نيوتن وبراين هاوي وغيرهم .

محمود الليثي 

الفنان الشاب محمود الليثي ممثل مصري خريج كلية الهندسة جامعة قناة السويس وهو من الفنانين الشباب اللي متوقع ليهم مستقبل كبير في مجال السينما والتلفزيون، اشتهر من خلال أدواره في برنامج SNL بالعربي مع شادي ألفونس وخالد منصور وغيرهم من الفنانين ده غير انه قدم أكتر من عمل تليفزيوني زي سابع جار وريح المدام ولا تطفيء الشمس وغيرها من الأعمال

شير