المشاهير ع السريع

منة شلبي تثير الجدل بمهرجان دبي السينمائي

الفنانة منة شلبي شاركت في حفل افتتاح مهرجان دبي السينمائي بدورته الـ14، واللي تمت اقامتها امبارح وظهرت منة على الريد كارت في الحفل بإطلالة جريئة شوية، ده غير انها ظهرت بوزن زايد شوية عن اخر ظهور لها وده الموضوع اللي أثار جدل كبير على مواقع التواصل.

ظهروها على الريد كاربت

دخلت منة شلبي بسرعة على الريد كاربت في حفل الافتتاح ووقفت شوية صغيرة قدام الكاميرات بعد كدا رجعت علشان تسجل مع المراسلين والقنوات الفضائية على السجادة الحمراء، بعد المواقع الفنية اتكلمت على فستان منة الجريء شوية وعلى طريقة وقفتها وقالوا انها كانت دايمًا واقفة وحاطها أيديها ورا ضهرها في كل مرة سجلت فيها مع أي قناة.

إطلالة منة 

ظهرت منة في حفل الافتتاح بفستان جريء مكشوف من منطقة الضهر وبلوك جديد عن أخر ظهور لها، ده غير ان الفستان ماكنش موفق لأنه اظهرها بوزن زايد شوية عن وزنها الحقيقي.

النجوم اللي شاركوا في افتتاح المهرجان

المهرجان حضره عدد كبير من نجوم الفن في مصر والعالم العربي، منهم مثلًا: يسرا وهند صبري ودنيا سمير غانم ومحمد هنيدي وأحمد عز وصفية العمري وسوزان نجم الدين وأحمد حلمي ورزان مغربي ووحيد حامد ومي سليم وميس حمدان وياسمين رئيس وغيرهم كتير.

شير