السواقة

من غير كلكعة أفهم أرقام وحروف العربيات

إسراء الطيب 
 
لي في عربيات بتاخد رقمين وفي تلاتة وفي عربيات تلت حروف مع الرقمين وفي اربعة، طب لي اللغبطة دي وازاي تعرف العربية دي جاية من محافظة القاهرة ولا الجيزة ولا المحافظات التانية من رقم العربية دي، طب لي ادو العربيات الأرقام دي وازاي اسهل إنها تميز وتصنف كل العربيات.
 
اسئلة كتيرة هتيجي في بالك بالذات لو أنت مروحتش رخصت عربية قبل كده ومواطن غلبان لفتت نظرك الأرقام وبس، تعالى نفهم واحدة واحدة لي لغبطة الأرقام دي ومعناها أي.
 
محافظة القاهرة
 
كل لوحة بيتكتب عليها 3 أرقام و3 حروف ومفيش ولا حروف ولا أرقام عنية مجبرين عليها أهم حاجة متكررش.
محافظة الجيزة
 
كل لوحة بيتكتب عليها حرفين بس وقدامهم أربع أرقام وبرضو مش عندهم قيود زي القاهرة كده وأهم حاجة ميكونش في تكرار.
أما المحافظات بقى اللي لازم ليها كود فهنلاقي 
الإسكندرية تبدأ بحرف س
الشرقية تبدأ بحرف ر
الدقهلية تبدأ بحرف د
البحيرة تبدأ بحرف ب
الغربية تبدأ بحرف غ
المنوفية تبدأ بحرف م
القليوبية تبدأ بحرف ق
كفر الشيخ تبدأ بحرف ل
الفيوم تبدأ بحرف ف
بني سويف تبدأ بحرف و
المنيا تبدأ بحرف ن
أسيوط تبدأ بحرف ي
سوهاج تبدأ بحرف هـ
بالنسبة لمحافظات جنوب وشمال سيناء والقناة والبحر الأحمر
 
الحرف الأول لازم يكون ط والحرف التاني بيبن المحافظة نفسها اي والتالت بتختاره إدارة المرور عشوائي.
هنلاقي  مثلا 
بورسعيد تبدأ بحرف ط والحرف الدال عليها ع 
السويس ط س
الإسماعيلية ط ص
دمياط ط د
البحر الأحمر ط ر
شمال سيناء ط أ
جنوب سيناء ط ج
شير