الحياة المدرسة

5 أجوبة تريح بيها دماغك من سؤال مبتذاكرش ليه

إسراء الطيب 

مفيش طالب مصري أصيل إلا لما اترفعله الشبشب والحزام وكل أسحلة دمار الشامل اللي بتستخدم في البيوت المصرية عشان عيالهم يذاكروا، لكن الدراما بتقلب من حب في المذاكرة لخوف من الضرب وبيجيب نتيجة عكسية مع عيالهم للأسف.

بس الجيل الجديد بقى فاهم حتى اللي أهله مش فاهمينه وبيعرف يشتاغلهم كويس جدًا فبقى بيعرف يهرب من الحوار كله بالطريقة من غير ما يوجع دماغه ولا حتى يهزقه، بس إزاي؟!

أفلاطون

اعمل فيها افلاطون واتكلم عن الوجود واللاموجود، وقولوهم شوية كلام كبير كده تحسسهم بيه إنهم مش بيكلموا طفل صغير، وبعدين قولهم أنا قادر على تحديد اتجاهات حياتي اليومية وتنظيم وقتي كويس.

اتحجج بالتعب

تعبان ومش عارف افتح عيني، واتمسكن على الأخر بحيث تصعب عليهم واتقن الدور عشان متاخدش فوق دماغك، والموضوع ده بالذات متكررهوش غير كل فترة طويلة، عشان بعد كده ميتفقسش ويطلع عينك.

عندنا اجازة

ومحتاج اريح عقلي عشان اقدر اذاكر بكره وأنا مركز، وخلي الخميس يوم استراحتك اللي محدش يكلمك فيه ولا يفكر يقولك ذاكر ولا اعمل اي حاجة تقعد تريح وتنام وبس، وممكن بليل بقى تخرج مع صحابك تروحوا حفلة أو تتمشوا المهم تفصل عن كل حاجة.

اعمل دكتور نفسي

قولهم الضغط الزايد بيعمل نتيجة عكسية تأثر على معدلات الادراك وشوية كلام تقيل، وبعدين كمل، قولهم العقل الباطن حاليا محتاج استراحة عشان يقدر يشتغل مع المخ فأنا قاعد بعمل استرخاء.

اعمل نفسك بتذاكر

واقعد سقط نوم لحد ما تصعب عليهم ويحطوك بنفسهم في السرير، وبعدين متنساش موبايلاك يكون سبك وعيش أنت تحت البطانية بس اكتم الصوت عشان لو لقوك صاحي وبتلعب في الموبايل هيطلعوا عينك.