خروجات

5 أسباب هتخليك تشرب شيشة

رغم الأضرار الكتير المعروفة عن شرب وتدخين الشيشة ومشتقاتها، بس هتلاقيها منتشرة بين كل الشباب وبعض البنات على الكافيهات والقهاوي، لاسباب كتير هنحاول نوضحها في السطور اللي جاية، وهي خمس اسباب بتخلي معظم الشباب يشربوها في أي قعدة أو خروجة.

الخارج من تدخين السجاير

في شباب بتحاول تهرب من شرب وتدخين السجاير عن طريق شرب الشيشة وبيبقى عندهم معلومات غلطن وفاهمين  ان أضرار الشيشة أقل من اضرار السجاير ودي حاجة غلط طبعًا .

انواع الشيشة ومشتقاتها

الانواع اللي ظهرت منها في الفترات الاخيرة، بتجذب  الشباب وبيلاقوا فيها طعم ولذة ومتعة عن الشيشة العادية مش كدا وبس ده في منهم فاكر ان اضرار الشيشة التفاح مثلًا اقل من اضرار الشيشة العادية ودي معلومة غلط طبعًا .

المشاكل اليومية والعائلية

المشاكل والمتاعب اليومية اللي بتقابل الشباب سواء في الشغل او في البيت أو في الجامعة بتخليهم يهرب منها عن طريق تدخين الشيشة وغيرها.

 حب المنظرة

ده اسوأ سبب بيخلي الشباب الصغير يشرب ويدخن الشيشة، هتلاقي عيال كتير بتدخن وتشرب شيشة على الكافيهات والقهاوي منظره على الفاضي .

صاحب السوء

صاحب السوء ده بيبقى السبب الرئيسي اللي هيخليك تتعود تشرب شيشة أو سجاير، من كتر القعاد معاه هتلاقي نفسك مدمن شرب شيشة فحاول انك تبعد عنه لو عايز تبطل تدخين.

شير