الفورمة

5 أفكار عملية تساعد البنت الطويلة في أزمة اللبس

إسراء الطيب 

دايمًا يقولك الطول هيبة ووقار وخلافه، لكن اللي بيقولوا كده فكروا يروحوا معاكي وإنتي بتشتري البنطلون اللي عجبك وملقتيش طولك الشيميز اللي لقتيه مقاس أطفال الجزمة اللي مقاسها مش موجود.

كل بنت طويلة بتعاني في كل مرة فعليا بتفكر تنزل تشتري فيها الحاجات اللي عايزاها واللي بقالها شهر بتجمع في فلوسها وهتموت عليها وفي اخر لحظة تتصدم إنها مش لايقة على طولها، تعالي نفكر سوا إزاي ممكن تختاري الاستايل اللي يناسب طولك وتطلعي حلوة جدًا زي عارضات الأزياء.

البنطلون القصير ومعاه هاف بوت

أكتر استايل مشهور في لبس عارضات الأزياء بما إن طولهم بيعدي ال170 سم، هو استايل الهاف بوت وعليه البنطلون القصير اللي على نفس الحز بالظبط وبيكون هايل.

 

الهدوم المخططة بالعرض مش الطول 

الهدوم المخططة بالعرض بتقلل من طولك وتبينك أعرض، وأقصر على عكس الهدوم المخططة بالطول اللي بتزود طولك

الألوان الغامقة 

كل ما الألوان تكون غامقة زي الجواكت السودا وغيره بتبينك أرفع وأقصر الاتنين 

الفساتين والجوبات المنفوشة من عند الوسط

الفساتين المنفوشة بتكون عيب عند البنت القصيرة عشان بتقصرها أكتر أما الطويلة بتكون تحفة عليها.

الدانتيل مع البلوزات 

الاختراع الجميل مع الشيميزات اللي بتجيبها طويلة وتروحي تلقيها على الكامر أو تحت شوية، هات البلوزات اللي طرفها دانتيل والباديها اللي بتكون زي وصلة كأنك لابسهقميص تحت البوكلت.

شير