الترفيه

5 ألعاب لمدمني الكلمات المتقاطعة

لعبة الكلمات المتقطعة، كانت ومازالت إدمان عند ناس كتير أوي، اللعبة اللي تحولت لهوس عالمي من بعد ظهروها سنة1913 على صفحات جريدة نيويورك وورلد، فضلت لمدة كبيرة مطلب شعبي لكل الناس في كل البلدان، وده اللي خلى شركات الموبايلات تعمل تطبيقات بديلة بنفس فكرتها اللي بتعتمد على الألغاز والتفكير.

سودوكو

لعبة ألغاز وذكاء حاليًا بتنافس الكلمات المتقاطعة بتعتمد على أربعة مستويات بيختار بينهم اللاعب وفيها خانات وارقام بتبدأ من رقم واحد لتسعة، وكل المطلوب منك ملء الفراغات الموجودة في المربعات.

كلمة السر

دي لعبة شبهة الكلمات المتقاطعة وبيطلق عليها كلمة السر أو الكلمة الضائعة وهي لعبة بتتكون من جزءين، الجزء التاني منها متطور وحديث عن الأول وفيها ألعاب جماعية وعائلية .

ضربة معلم

دي لعبة بتناسب كل الأعمار موجودة في موبايلات الآيفون والآندرويد، فيها 850 مرحلة مطلوب منك انك تتجاوزها، ودي حاجة هتخليك تفكر كتير ومش هتمل منها ابدًا لأنها مليانة معلومات عامة ده غير أنها مسلية جدًا.

وصلة الإلكترونية

دي لعبة زي الكلمات المتقاطعة القديمة بس متطورة شوية، علشان تبقى أكثر عصرية وحداثة مربوطة أكيد بالانترنت، فيها ألغاز كتير واسئلة مسلية في كل المجالات، بتتميز بمراحل كتير لازم تعديها .

درب التحدي

لعبة شبيهة بلعبة الكلمات المتقاطعة بتخليك تشغل دماغك، فيها مراحل ومستويات كتيرن لازم تعدي كل الصعوبات اللي هتقابلك علشان تعدي المراحل المطلوبة، وهي لعبة مسلية جدًا ومشيقة .

شير