الكراش للبنات فقط

5 أماكن فسح ونعنشة للبنات بس

إسراء الطيب

أول ما البنات بتفكر تخرج أول حاجة بتيجي في دماغهم هنروح فين، ناكل فين، نقعد براحتنا فين، حجات كتير بيكون نفسهم فيها بس مش بيلاقوها، نفسهم في مكان للبنات بس يعملوا اللي هما عايزينه، من غير ما يضايقوا إن في رجالة في نفس المكان أو حد يضايقهم ببصته وغيرها من المضايقات.

خلينا متفقين إن الأماكن اللي للبنات بس على طول قليلة لكن موجودة، وفي أماكن تانية بتمشي ينظام يوم للبنات بس، في القايمة دي جمعنالك ما بين الاتنين أماكن على طول للبنات بس وأماكن ماشي عندها نظام يوم البنات اللي كل حاجة فيه بتكون مرتبطة بالبنات.

بينك كافيه – Pink Cafe

المكان ده من أوله لأخره للبنات بس ممنوع أي حد تاني يدخله، اللي شغالين فيه ولك حاجة بينك في بينك للبنات وبس، المميز فيه ان اسعاره حلوة وعنده اكل وشرب ومش بيضيف مصاريف خدمة على الأسعار بتاعته وفي أكتر من ركن للقعدة منهم ع البين باج وركن العصافير والورد.

بيت العز

المكان مش مخصص بس لقعدة الستات بس لكنه بيريح بال الأمهات من الأكل والطبيخ لما يروحوا، وبيديهم أكل جاهز على التسوية ومش على الطريقة المصرية بس لكن خليجية وايطالية وهندية كمان.

 

مجال

المكان بيخصص قاعدة للبنات بس والمشهور عنه الديكور اللي بيميل لشغل ديزيني والألعاب والباندا وينقع الأمهات والبنات تروحه 

gravity code

ده مكان تاني مختلف حبه معتمد على التنطيط بتنط لأعلى ما طاقتك توديك وتصرخ وتفرح وترجع طفل من جديد وتنسى كل همومك وتقولها باي باي من الأخر اتحدى الجاذبية واتحدى اي حاجة بتشدك للأرض عشان تقع، والمكان بيوفر أوقات معينة تكون القاعات للبنات بس سهل تعرفيها من خلال صفحتهم.

شير