خروجات

5 أنوع من البنات هتلاقيهم في أي خروجة

 كل بنت وليها شخصية مميزة عن أي بنت تانية، عندها صفات مش موجودة في أي بنت زيها في شلتها، علشان كدا هنحاول نتكلم عن نوعية البنات اللي هتلاقيهم معاك في الخروجات مع الشلة .

الأكولة

ودي الخروج والفسح بالنسبة ليها عبارة عن أكلة جديدة وبس، بتحارب في كل خروجة علشان تاكل وتشرب اي حاجة جديدة.

 الدلوعة

ودي اللي بتعتبر نفسها ملكة متوجة وفي الغالب بيكون هدفها من اي خروجة «شقط عريس» بتبص على كل اللي حوليها بنظرة تعالي وكبرياء.

الكاميرا مان

ودي اللي دايمًا هتلاقيها بتصور اي حاجة وكل حاجة، بترفع الصور على مواقع التواصل الاجتماعى وتحدد مكان الخروج علشان تعرفه لكل الناس.

 العالة

ودي بيسموها البنت البراشوت، بتحب الناس تصرف عليها بترفع دايمًا شعار مش معايا فلوس أو مش معايا فكة .

أبلة الناظرة

ودي بقى اللي مش عاجبها أي حاجة في الخروجة، دايمًا بتبقى كئيبة، عندها موهبة في العكننة ، بتنظر على كل اللي حوليها .

شير