رياضة

5 اسباب جعلت محمد صلاح المحترف رقم واحد في مصر

محمد صلاح حاليًا بقى مثال وبطل قومي مصري، قدر أنه يرفع رصيده عند الناس، ويكسب ثقتهم وحبهم، خصوصًا بعد تألقه في الفترة الأخيرة مع ناديه السابق روما الإيطالي أو ناديه الحالي ليفربول الإنجليزي، مش كدا وبس ده بعد الهدفين اللي جابهم في ماتش الصعود لكأس العالم.

والحقيقة ان حب الناس وشهرة وتألق صلاح ماجاتش من فراغ، أو صدفة، لأنها جات بعد تعب وتدريبات ومجهود كبير من اللاعب، وهي حاجات هنحاول نلخصها في خمس أسباب رئيسية خلت محمد صلاح يبقى في نظر الناس أفضل محترف في تاريخ مصر:

1. المهارة والسرعة

لولا مهارة محمد صلاح وسرعته اللي بيتميز بيها ماكنش احترف بره مصر، ودي الحاجة اللي بتميزه عن باقي اللاعيبة.

2. الالتزام والأخلاق

لولا التزامه جوا وبرا الملعب واخلاقه اللي بيتمتع بيها ماكنش بقى محبوب من المدربين ومن الناس وكل اللاعيبه .

3. حب الناس

ودي من أهم الأسباب صلاح بيتمتع بحب الناس  واحترامهم خلاه في نظرهم مثل وقدوة بيضربوا بيه المثل وبقى يتقارن بلاعيبة كبار وبأساطير الكرة المصرية.

4. التدريب والتطوير

محمد صلاح اشتغل على نفسه كتير،  نمى وطور نفسه ومهارته، في أي مكان راحه، وبعد نفسه عن أي مشكلة واهتم بس بالتدريب والتمرينات.

5. التكيف مع الغربة

محمد صلاح قدر انه يكيف نفسه ويتأقلم مع الغربة بره مصر عكس بعض اللاعيبة اللي احترفت وفشلت علشان مش قادرين يستحملوا متاعب ومشاكل الغربة.

شير