الترفيه

 5 جمل دايمًا تتقال في دورة البلاي ستيشن

دورة البلاي ستيشن  مع أصحابك بتبقى ضحك للركب، كلام كتير هتسمعوا في القعدة سواء كنت بتلعبوا بيس أو فيفا، كل واحد هيبقى ليه انفعالاته الخاصة وكلامه اللي بيتحدد بناء على المكسب والخسارة .

الدراع معلق أو بلاش الدراع ده

الدراع معلق أو المشكلة كانت في الدراع،  دي كلمة هتسمعها من صاحبك الخسران اللي عايز يثبت ان خسارته كانت بسبب الدراع اللي بيلعب بيه، هتلاقي تاني مرة بيقولك بلاش الدراع ده .

بلاش الحكم ده أو بلاش اوكازاكي

دي جملة هتسمعها قبل الماتش من صاحبك اللي متعود يخسر، لازم يقولك بلاش الحكم ده .

بطل شغل الـ R2

ودي جملة هتسمعها في وسط الماتش هتلاقي صاحبك بيقولهالك وهو متصعب علشان خسران .

كفتة أو حظ

دي هتسسمعها من صاحبك لما تكسب هيقولك انت كسبت بالحظ أو كفتة ومش هيقتنع انه مابيعرفش يلعب .

كان قصدي

ودي جملة هتسمعها من صاحبك لما اللاعب يجيب جول «double kick» هتلاقيه بيقولك على طول على فكرة كان قصدي.

شير