السواقة

5 حاجات لو عملتها الست وهي سايقة ابعد عنها فورا !

إسراء الطيب

ناس كتير بتقلق من سواقة الستات عامة في الطريق وبيهروهم تريقة رغم أن في منهم حريف سواقة وفي منهم لا، زيهم زي الرجالة لكن الفرق أن نسبة الخوف أو الحرص عن الستات بتكون أكتر شوية ففي منهم مفيش حته الجرأة اللي ممكن تجري على الطريق وإنها تدخل نفسها بين عربيتين وتعمل غرز، وفي طبعا العكس خلينا كده نشوف أهم إشارات ما تعملها الست وهي سايقة اللي وراها يبعد عنها مباشرة سواء ست زيها أو راجل.

1- بتحدف يمين 

لو سواقة اللي قدامك بتحدف يمين وشمال وماشية مش مستقيمة بلاش تغامر وتقرب من عربية اللي قدامك سيب مسافة كافية بينكم أنتو الاتنين وحاول تعديها علىقد ما تقدر وتجنب الخساير.

2- لقتها بتتكلم في التليفون

لو بصيت وشوفتها ماسكة التليفون والدركسيون بإيد واحدة توقع إنها في أي لحظة ممكن تلقيها مفرملة وطيرلك كبوت عربيتك ولا الفوانيس، فتجنب إنك تقرب من عربيتها على قد ما تقدر.

 

3- بتحط ميك أب أو مانكير

بنت كتير لما بتتاخر في النزول بتقرر أنها تكمل الميك أب بتاعها وتحط المانكير وهي سايقة في نفس ذات الوقت، فتوقع تفرمل تحود يمين شمال مش مضمونة، فأنجز وعدي منها قبل ما تفاجئك.

4-  لو لقيتها بتركن

لو فجأة لقيت العربية اللي قدامك هتركن وبصيت لقيتها بنت استنى 3 خمس دقايق مركنتش انفد بجلدك وأجري خد أول تيرن وسبتها تركن براحتها بدل ما تبات وأنت مستنيها تركن من غير ما تجرح العربية.

5- حضنه الدركسيون

هنا الموضوع مختلف معنى انها حضنها وببتلفت يمين وشمال يبقى هي لسه مبتدئة سواقة ومعدل التوتر والخوف عندها فوق ما تتخيل فهي ممكن تلقيها ماشية على سرعة الساحف وممكن تفرمل فاجئة، خد بالك وعديها من غير ما تتريق وسبها هي مع الوقت هتكسر خوفها وتبدأ تعدل ضهرها وتسوق بإيد واحدة عادي كمان.

شير