Studio

5 حاجات هتخليك سوبر مان الفصل !

إسراء الطيب

الدراسة بدأت خلاص وخلصنا ابتدائي وداخلين إعدادي، وفي اللي خلص إعدادي وداخل ثانوي، مدرسة جديدة وعايز تثبت نفسك فيها عشان متكونش ملطشة حد، وعايز تكون سوبر مان الفصل اللي الناس كلها بتعتمد عليه في كل حاجة، تفتكر ممكن إزاي تبقى سوبر هيرو في أقل من شهر.

خليك مركز

ركز مع كل حاجة بتحصل حواليك في الفصل أعرف كل واحد في الفصل دماغه أي وكمان المدرسين خليك الفرود إللي فاهم كل الناس من غير ما يتكلموا

 

صاحب الشاطر والفاشل

خليك الصاحب الجدع مع صاحبك الشاطر  واتعلم منه تطور نفسك ومع الصاحب الفاشل خليك انت سنده وتحوله هو كمان لشاطر، وشجعه وذاكرله بس أوعى تبقى فاشل معاه نهايتك مش هتعجبك على رأي مستر رمضان..

حضر وخليك الأشطر في الفصل

عشان تلفت انتباه الكل ليك طلبة ومدرسين، ممكن تجذب انتباههم بفشلك أو شطارتك  في الحالة الأولى أن اه هتخليهم يعرفوك بس مش كلهم هيحبوا إنهم يتعاملوا معاك ويكلمكوك، لكن لما تكون شاطر هتكون محبوب من كل الناس.

 

تواضع

شطارتك مش هتكون مهمة لو أنت حد متكبر ومش متواضع، التواضع هيخلي كل الناس تعتمد عليك وتكون بالنسبة لهم سوبر مان اللي بينجدهم من كل المشاكل وبيساعدهم ويقدملهم الخدمات اللي محدش غيره يقدر عليها.

 

خليك برنس محدش يقدر يغلط فيك

في ناس بتفهم التواضع أنه سلبية أو إن أي حد يقدر يغلط فيك، أوعى! متخليش حد يقلل منك أو يستقل بيك خليك  متواضع وشاطر بس محدش يفكر لمجرد التفكير يدوسلك على طرف.

شير