الترفيه

5 حاجات هتكسر روتين الحياة اليومية

 إسراء الطيب

بيجيلك أوقات احساس إنك اتحولت زي الآلة، وبقيت ماشي كده بروتين يومي زي الكتالوج، بتصحى جسمك اللي بيحركك تلبس، تنزل، تركب نفس المواصلات توصل الشغل تشتغل، تنزل، تروح تنام، حسيت في أوقات إنك بقيت روبوت؟ طب فكرت ازاي تكسر الملل إللى حياتك بقت فيه، تعالى نفكر مع بعض في طرق أو أفكار ممكن تخفف سخافة الروتين ده..

  • اكتشف نفسك من تاني

ببساطة حاول تشوف أكتر حاجة بتبسطك، تخليك في المود، تزقططك، وحاول إنك تنفذها مش شرط حتى كل يوم ممكن يوم ويوم، المهم متسبش نفسك لمرحلة الروبوت، خلي عندك شغف بحاجة معينة موهبة، دراسة، إنك فجاءة تلاقي نفسك بتحب تجمع عملات، إنك تتعلم موسيقى، على أداة معينية وهكذا .

خصص وقت لروقانك

أبعد عن أي حاجة ممكن تعكر مزاجك حط هدف قدامك كده روقانك قبل كل شئ، سيبك من أصحاب الدم التقيل خليك على قد ما تقدر مع الناس اللي دمها خفيف بتخليك ترجع تضحك وتتبسط.

عليك وعلى السينما والحفلات

السينما والحفلات زي اللي بترد الروح كده وتخليك ترجع تتنطط من الفرح ولما تدخل سينما خليك في الأفلام الكوميدية ولو الميزانية بعافية اعمل جدول لنفسك كده بالأفلام اللي تحبها ورتبها على اليوتيوب أو نزلهم على عندك وابدأ في تقسيمهم كل يوم فيلم كده.

حاول تروح أماكن جديدة أو تجرب مغامرة جديدة

المغامرات واكتشاف الأماكن بتكون حاجة بتعملك كده زي ريفرش لعقلك وجسمك وروحك نفسها، احساس تجربة أي حاجة لآول مرة بيكون مختلف في كل حاجة، من وقت للتاني متنساش تفاجئ نفسك باللي يفرحها ويخليها تحس إنها بتتولد من جديد.

 

شير