الترفيه

5 علامات تقولك إنك شخص خواف

إسراء الطيب 

أسباب كتير بتخلي شخصية الواحد خوافة أو جبانة، بس في ناس بتقدر تحس بمرضها ده وناس تانية مبتقدرش توصف إن عندها أي مشكلة ولا بتتقبل رأي غيرها في الموضوع ده، وعشان يقدر يعدي المشكلة دي لازم تختبر نفسك فعلا وتقيمها تقييم عادل وتشوف هل أنت فعلا خواف، جبان، متخاذل ولا حالتك وصلت لأي؟

هنحاول في السطور الجية نجمعلك أبرز العلامات اللي اتفق عليها الباحثيين النفسيين للشخصية الجبانة، اللي بتخاف من خيالها، عشان لو لقيت في نفسك حاجة من العلامات دي لازم بشكل سريع تعالجها إما علاج ذاتي وتحاول تتجرأ وتخرج من مرحلة الخوف، أو مقدرتش يبقى تروح لطبيب نفسي تشوف السبب في الحالة دي أي؟

عندك احساس بالخطر على طول

 وده بيسببلك قلق شديد في حياتك وعلاقاتك مع الناس بشكل عام وبيسبب فشلها على طول، وبيخلي حواليك هالة خايف تخرج منها عشان متتعرضش للخطر، وده بيخليك ضعيف مش قادر تواجه الحياة، وبيأثر على شغلك وعلاقتك حتى بأسرتك، وبيسبب تسارع في ضربات القلب اللي ممكن في أي وقت تكون فعلا هي السبب في موتك بالسكتة القلبية..

 

الهلع

اضطراب الهلع ده شكل من أشكال اضطرابات القلق المنتشرة في المجتمع لكن في نفس الوقت الناس بترجمها غلط وبتتعامل معها بشكل غلط، الهلع بيظهر على
شكل  نوبات من الأعراض المفاجئة، المصحوبة بالخوف الشديد من الموت أو فقدان الوعي أو العقل، وبيتقلب لنتيجة عكسية في تعالاملاتك مع البيئة المحيطة اللي بيخليك تقرب لمرحلة المخيلات المخيفة من كل اللي حواليك.

 

الإنطوائية 

في أغلب الحالات بتسبب حالات الهلع الشديدة من الخوف لتكرار النوبة من جديد وده بيسبب إنطوائية شديدة للفرد المصاب، وبيخليه يخاف التعامل أكتر والخروج من البيت عشان ميتحطش في نفس الموقف تاني، وده بيسبب مشاكل أكبر نفسية بتصعب علاج الحالة، ولازم يروح فيها لطبيب نفسي.

 

 

الشك 

بعض حالات الخوف بتوصل لمرحلة الشك حتى في القريبين منك إنهم يكونوا مش بيحبوك وعايزين يعرضوك للخطر، فبترفض حتى منهم الأكل أو الشروب بداعي إنهم عايزين يموتوك، وطمعانين في أي حاجة عندك حتى لو الحاجة دي مش مهمة ليهم زي كتاب معين ، أو لعبة عزيزة عليك، فبيتحول تعلقك الشديد بالحاجة دي إنك تعتقد إن كل الناس عايزة تخلص منك عشان تاخدها، والمرحلة دي من أصعب المراحل اللي لازم يتعرض فيها على طبيب نفسي مختص.

شير