ثقف نفسك

7 استخدمات ماكنتش تعرفها للطباشير

كلنا عارفين طباشير المدرسة اللي كلنا كنا بنلعب بيه، بس اللي ماكناش نعرفه ان الطباشير ده ليه استخدامات تانية مش مشهورة، هتتفاجيء لما تعرفها، وهي استخدامات هتساعدك كتير في حياتك العملية والشخصية:

1- لسهولة فتح الأبواب بالمفاتيح يوضع عليها الطباشير.

تقدر تستخدم الطباشير في فتح أي باب معصلج معاك عن طريق انك تمسح سنون المفتاح  بتاعه بحتة طباشير، علشان تسهل عملية الفتح، وهيتفتح معاك بسهولة، ودي طريقة متجربة أكتر من مرة.

2- بيوضع على الضوافر الباهتة لإعادة رونقها.

 لو صوابعك باهتة تقدري تستخدمي الطباشير، حطي شوية طباشير مبشور في طبق ، بعدها هاتي فرشاة سنان وامليها بالطباشير اللي في الطبق بعدها ادعكي صوابعك بيهاوهتحسي بالفرق.

3- للتخلص من البقع الزيتية اللي بتبقى في الجزم.

لو في بقعة في الجزمة أو الكوتشي بتاعك مغلباك، ماتقلقش خالص هات طباشير وحطها على البقعة لمدة عشر دقايق بعدها اغسل الجزمة وشوف الفرق اللي هيحصل.

4- بديل للمساحة الخاصة بالأقلام الجافة.

الطباشير بديل مناسب للمساحة الخاصة بالاقلام الجافة على البورد وغيرها، هتقدر تمسح أي حاجة غلط كتبتها عليها بسهولة، من غير تعب أو اي مشكلة تحصل.

5- يوضع بمنشفة لامتصاص الرطوبة من داخل الجزم  المبتلة.

 لو جزمتك بتبل الشراب بتاعك وبتلاقي رطوبة دايمًا في الشراب تقدر عن طريق الطباشير أنك تتخلص من المشكلة دي، حط الطباشير المبشور على منشفة وامسح الجزمة من جوا علشان تتخلص من المشكلة دي. 

6- لتغطية الثقوب في الحيطة الناتجة عن المسامير.

الطباشير يقدر يغطي أي نقر أو ثقوب في أي حيطة، في شقتك تقدر تحط الطباشير في الفتحات اللي عايز تداريها ، ودي طريقة عملية ومتجربة كتير جدًا.

7- بيعيد لمعان الحلل والأوعية الباهتة.

الطباشير هيعيد لمعان اي حاجة فيها صدأ، حط طباشير مبشور مع مياه في طبق وبحتة قماشة تقدر تمسح أدواتك المنزلية بعدها تغسلها بالمنظفات العادية وهتلاقي اللمعان رجع تاني.

شير