الفورمة

أفضل وقت لحلاقة الدقن

في شباب كتير بيقى فاكر أن حلاقة الدقن دي سهلة، وممكن تحصل في أي وقت، ومايعرفش انها بتبقى ليها أوقات مثالية أحسن من أوقات تانية، وده راجع للضغط ولهموم لحياة اليومية اللي واقعين فيها، ودي حاجة غلط طبعًا علشان حلاقة الدقن بيبقى ليها مواعيد محددة لازم تاخدها بعين الاعتبار لما تقرر تحلق دقنك، علشان كدا هنقولك على أفضل المواعيد اللي ممكن تحلق فيها دقنك .

الحلاقة بعد دش ساخن

الدش السُخن اللي بتهتم بيه قبل الحلاقة بيخلي بشرتك رطبة وناعمة، فالمياه الدافية اللي بتنزل على بشرتك بتخفف الشعر وبتفتح المسام أكتر ودي حاجة بتخلي الحلاقة أسهل من اي وقت تاني.

الحلاقة بعد التعرض للشمس

لما تحلق دقنك بعد ما تعرض بشرت وجهك للشمس هيكون أفضل من الحلاقة قبل تعرض وشك للشمس، لأن الحلاقة ممكن تبقى صعبة وكارثية اذا كانت البشرة اللي تحت الشعر بيضاء .

الحلاقة في الصباح

الحلاقة في وقت الصبح بتديك تألق كبير وبتخليك تبان أفضل من أي وقت تاني، بس خد بالك من الحساسية والتهيج الي ممكن يحصل لبشرتك وقت الخروج للشمس بسبب الأشعة والهواء بعد الحلاقة.

الحلاقة في الليل 

الحلاقة بالليل ليها ايجابيات كتير زي أنك بتاخد الوقت الكافي للحلاقة وانك بتخلي جسمك يتجدد وقت النوم وده هيساعد بشرتك كتير في اليوم التالي، بس عيبها الوحيد لما تكون لحيتك كبيرة هتضطر تحلق تاني الصبح.