تكنولوجيا

ازاي تزود سرعة الانترنت على موبايلك 

بما أننا في مصر بنعاني كلنا من مشكلة الانترنت، دايمًأ بتلاقي النت بطيء جدًا، الباقة بتستفزك طول ما انت بتستخدمها على موبايلك، معظمنا بيحاول يدور دايمًا على أي طريقة يحل بيها مشكلة الانترنت اللي مش ماشي معاه كويس، سواء كانت مشكلة الداونلوود أو غيرها من المشاكل، اللي بتقابلنا كلنا علشان كدا هنحاول نوضح شوية حاجات تقدر بيهم تزود سرعة الانترنت على موبايلك الشخصي.

دمج الواي الفاي على الموبايل بالباقة 

دي طريقة بتتقال انها بتزود سرعة الانترنت على الموبايل وهي انك تدمج الواي الفاي بأي شبكة قريبة منك والخاصة بيك مع الباقة اللي انت مشترك فيها على موبايلك، وده عن طريق تطبيق Speedify وده هتلاقيه منتشر على جوجل بلاي .

تطبيق DNS Changer

ده تطبيق مجاني متاح على جوجل بلاي هيساعدك كتير في تزويد سرعة موبايلك ، من خلال تثبيت التطبيق على الموبايل بعدها بتفعل الانترنت سواء كان واي فاي أو باقة .

متصفح جوجل كروم

معظمنا ما يعرفش المعلومة دي، انك تقدر من خلال كروم توفير وقت ومال عن طريق الحد من استخدام البيانات، ادخل على الإعدادات وحاول تخفضها بنسبة 30% وده أكيد هيقلل الحمل على الموبايل بتاعك وهيزيد من سرعته أكيد وقت الإستخدام.

تطبيق Adblock Browser

رغم ان التطبيق ده ميزته حجب الإعلانات المزعجة بس هيساعدك كتير في تزويد سرعة الانترنت بعد حجب الإعلانات اللي بتظهر على التطبيقات والالعاب اللي بتحملها على موبايلك لأن الإعلانات دي بتأثر بشكل كبير على سرعة الانترنت على الموبايل .